Batys Qazaqstan oblysynda «Taza Qazaqstan» ekologııalyq akııasy jalǵasýda, onyń maqsaty ekologııalyq mádenıetti qalyptastyrý, týǵan jerge degen súıispenshilikti oıatý, patrıotızmge tárbıeleý, qorshaǵan ortanyń tazalyǵyn jáne ekologııany saqtaý bolyp tabylady.
Oral qalasynda osy ekologııalyq akııa aıasynda oblys jastarynyń bastamasymen «Biz taza el úshin» qoqys jınap jarysý sharasy ótti.
Akııaǵa 200-ge jýyq adam qatysyp, ekologııalyq mádenıetti qalyptastyra otyryp, týǵan jerge degen súıispenshilikti oıatýdyń naǵyz úlgisin kórsetti.
«Bul is-sharanyń maqsaty – halyq arasynda ekologııalyq belsendilikti damytý jáne keńinen nasıhattaý. Búgin 200 qap qoqys jınaldy. 200-den astam erikti osy ıgi iske atsalysyp, birneshe saǵattyń ishinde qalamyzdy qoqystan tazalap shyqty. Qatysýshylar múmkindiginshe kóp qoqys jınaýǵa tyrysty. Jalpy bıyl qalada 20-ǵa jýyq akııa ótkizýdi josparlap otyr», - deıdi oblystyq Jastar rýhynyń tóraǵasy Arhat Islamǵalı.
Oblys jastary ortalyq bazar aýmaǵyn tańdap, bastamashyldyq jasady, óıtkeni olardyń pikirinshe, bul ýchaske qaladaǵy eń lastanǵan aýmaq bolyp sanalady.
Uıymdastyrýshylardyń aıtýynsha, mundaı ekologııalyq is-sharalar aldaǵy ýaqytta da jıi ótkizilip turady.
Sáýir aıy boıynsha uıymdastyrylǵan sanıtarlyq tazalyq aılyǵyna 12944 turǵyn, 3321 mekemeler men kásiporyndar qatysty, 231 parkter men sverler jınaldy, 44 myńnan astam ártúrli aǵash kóshetteri otyrǵyzyldy, 1221 áleýmettik, 3307 kásipkerlik jáne ónerkásiptik nysandarǵa, 525 tarıhı-mádenı eskertkishterge tazalyq jumystary júrgizildi.
Ekologııalyq aılyqqa 1134 tehnıka jumyldyrylyp, 49102 tonna qoqys shyǵaryldy.Tazalyq aılyǵy aıasyndaǵy abattandyrý jumystary jyl sońyna deıin jalǵasyn tabatyn bolady.
