Qazaqstandyq oqýshylarǵa shamadan tys kóp oqý mindettelgen. Bul týraly senator Altynbek Nuquly premer-mınıstrdiń orynbasary Tamara Dúısenovaǵa joldaǵan depýtattyq saýalynda aıtty, dep habarlaıdy «Adyrna» tilshisi.
«Bilim sapasy myqty elder sanalatyn Japonııa, Ońtústik Koreıa, Fınlıandııa jáne Kanadada 7-8 synypta oqýshylar naqty ǵylymǵa qatysty 4-6 pán oqıdy, al Qazaqstanda 15 pán. Tipti 9-synypta 16 pán oqytylady. Elimizde mindetti oqý pánderiniń sany 2,5 ese kóp. Sheteldegi mektepterde hımııa, bıologııa jáne geografııa sııaqty pánder biriktirilip, ǵylym páni retinde óte az oqytylady. Osyǵan qaramastan sońǵy 15 jyldaǵy halyqaralyq PISA zertteýiniń qorytyndysy boıynsha osy elderdegi oqýshylardyń jaratylystaný ǵylymy boıynsha saýattylyǵy joǵary sanalady. Bul pánder sanynan oqytý sapasy mańyzdy ekenin kórsetedi»,—dedi ol.
Senator oqýlyqtardyń tili aýyr ekenin de atap ótti.
«Qazaqstanda oqýshylarǵa taqyryp boıynsha shamadan tys kólemdi aqparat beriledi, al oqýlyqtardyń tili aýyr. Al Ulybrıtanııada kerisinshe, aqparat kólemdi emes, taqyryptar tájirıbege baǵyttalyp, kúndelikti ómirdiń jaǵdaıattarymen baılanystyrylyp oqytylady. Basqasha aıtqanda, oqýshynyń aldaǵy ómirinde qanshalyqty mańyzdy ekenin túsindirýge kóp kóńil bólinedi. Orta bilim salasynda sapaly bilim berý úshin oqýshylarǵa zaman talabyna saı bilim berý mazmunyn jasaý kerek. Orta bilim berý sapasyn kóterýdiń konepııasyna ózgerister engizilýi kerek dep esepteımiz»,—dep túsindirdi Altynbek Nuquly.
View this post on Instagram
<
