Qaraǵandy oblysy búkil elmen birge Qazaqstan Respýblıkasynyń Memlekettik rámizderi kúnin keńinen atap ótýde.
Oblys ortalyǵynda tý tuǵyrynyń mańynda jurtshylyqtyń, eriktilerdiń, jastardyń qatysýymen "Týǵan jerim – Qazaqstan!" patrıottyq forýmnyń ashylýy boldy. Alańda úsh myń adam bir ýaqytta elimizdiń ánuranyn oryndady.
Bul oqıǵa birlik pen Otanymyzǵa degen súıispenshilikti kórsetedi. Shara barysynda tý sherýi ótti.
Tý ustaýshylar qatarynda T. Bıgeldınov atyndaǵy Qaraǵandy qalasynyń "Jas ulan" mektebiniń tárbıelenýshileri boldy.
– Memlekettik rámizder kúni bizdiń júregimizde erekshe oryn alady, óıtkeni bizdiń memleketimizdiń rámizderi jaı ǵana atrıbýttar emes, bul bizdiń tarıhymyzdyń, mádenıetimizdiń jáne birligimizdiń beınesi. Qazaqstannyń Týy, Eltańbasy men Ánurany búkil álemge tanymal boldy, bul elimiz úshin maqtanysh sezimin týdyrady, – dedi Qaraǵandy oblysynyń ákimi Ermaǵanbet Bólekpaev. – Men munda jastardy kórgenime qýanyshtymyn. Bizdiń mindetimiz – jastardyń boıynda otansúıgishtik sezimin jáne elimizge, onyń baı tarıhy men uly tulǵalaryna degen maqtanysh sezimin tárbıeleý.
Forýmda azamattardyń patrıottyq tárbıesin damytýǵa qosqan úlesi,
kásibı jetistikteri, belsendi azamattyq ustanymy úshin alǵys hattar tabystaldy.
– 2014 jyly men Qazaqstan ánuranyn oryndap, ant qabyldadym. On jyl boıy Otanǵa, Qazaqstan halqyna qyzmet etip kelemin, bul úlken jaýapkershilik. Memlekettik tý kóterilgen saıyn men elimdi maqtan tutamyn, – deıdi marapattalǵan TJD qyzmetkerleriniń biri – azamattyq qorǵaý kapıtany Damır Saǵattaev. – Osy kóktemde bizdiń elimiz sý tasqyny sekildi úlken synaqtan ótti. Qazaqstan halqy birikti: qutqarýshylar ǵana emes, kómekke qarapaıym janashyr adamdar da keldi. Biz kúshimiz birligimizde!
Etnomádenı birlestikterdiń basshylary otandastarymyzdy memlekettik rámizder kúnimen quttyqtady.
– Bul mereke bizdiń bolmysymyz ben egemendigimizdi bildiredi. Bizdiń basty oqıǵalarymyz memlekettik ánurandy oryndaýdan bastalady, – dep atap ótti "Vaınah" oblystyq sheshen-ıngýsh etnomádenı birlestiginiń tóraǵasy Ývaıs Janaev.
Alańnan QR Memlekettik rámizder kúnine arnalǵan merekelik avto-, moto- jáne velojarys bastaldy.
Ony QR eńbek sińirgen jattyqtyrýshysy, Qaraǵandy oblysynyń Qurmetti azamaty Valerıı Gromov ashty.
– Búgin saltanatty kún. Bizdiń kósh bastar jastarymyz osynda jınalǵany keremet. Jastar jańa Qazaqstandy qurýy kerek. Bizdiń árqaısymyzda birinshi kezekte patrıotızm sezimi bolýy tıis. Ánuran estilgen kezde qolymyz birden júrek tusyna kóteriledi. Birge bolsaq, biz jeńilmeımiz! – dedi Valerıı Gromov.
Oblys boıynsha merekelik is-sharalar: patrıottyq akııalar, chellendjder, avto- jáne velojarystar, konertter ótedi.
Turǵyndar memlekettik týdy páterleriniń balkondaryna ornalastyrady. Al kóshelerde memlekettik rámizderi bar jalaýlar men stıkerler taratylady. Aqtoǵaı aýdanynda flagshtoktyń ashylýy ótti.
