Bloger qyzdardyń namysyna tıgen ımamnyń ýaǵyzy halyqtyń talqysyna qaldy. Bloger Yrysbala Ikrambaı “bloger qyzdar qatyn bolmaıdy, olar ınternette erkekterdiń oıyn buzady” dep aıtqan ımamǵa jaýap berdi, dep habarlaıdy “Adyrna” ulttyq portaly.
Imam Jarqyn Myrzataıdyń aıtýynsha sulýlyǵyn ınternette pash etken qyzdar áıeldikke jaramaıdy.
”Bloger qyzdar qatyn bop jarytpaıdy, olarǵa túrine qarap úılenseńder, ómir boıy qyzǵanyp ótesińder. On myń jazylýshysy bar qyzdar ózin kórsetý úshin bárine barady. Tipti hıdjab kıip alsa da, sulýlyǵyn búkil elge kórsetip, ınternetke shyǵyp júrgen qyzdardardyń bul qylyǵy durys emes. Olarǵa er adamdar qarap, oılary buzylady” degen bir suhbatynda.
Al oǵan jaýap bergen bloger Yrysbala Ikrambaı ımamnyń degenine qatty teńeýler keltirdi:
“Esektiń de erkegi bar aınalaıyndar, ýaǵyzdaryń qatynnyń eteginen aspaı qoıdy ǵoı. Eki kózderińe, eki buttaryńnyń arasyndaǵyǵa sanaly túrde ıe bolyńdar” dep bastady sózin.
«Kópke topyraq shashý degen bar. Otyryp alyp bolmaıtyn áńgimeni aıtýdy túsinbeımin. Ýaǵyz aıtqanda da, Abaı atamyz aıtqandaı «tilge jeńil, júrekke jyly» tııýi kerek. Men on myń emes, eki júz myń jazylýshysy bar bloger bolyp turmysqa shyqtym. Úsh balam bar. Bir shańyraqtyń tútinin tútetip otyrmyn. Blogerlikti de jasap, eshkimniń ala jibin attamaı, kúnimizdi kórip, jaqsy áıel bolyp ta júrmiz. On báleniń toǵyzy tilden demekshi, kópke topyraq shashý durys emes. Biz qazaq úsh júzge bólindik, qyryq rýly qazaqpyz dep qyryq rýǵa bólindik. Oramal taǵatyndar men namazhandar dep bólindik. Endi ımamdar men blogerler dep bólinetin boldyq pa? Ol sózderińdi qalaı aıtyp otyrsyńdar? Adamnyń taǵdyry mańdaıyna týyla sala jazylyp qoısa da, bloger qyzdardyń qandaı áıel bolatynyn qaıdan bilesizder? Ol qatyn bolmaıdy dep qandaı senimdilikpen aıtyp otyrsyzdar? Qyzdardardyń barlyǵyn tyıyp bolǵan shyǵarsyńdar? Erkekpen birge ómir súrip jatyrmyz dep, qyzdarymyzdy úıge tyǵyp boldyq. Qyryq úıden tyıý, anadan tyıý, mynadan tyıý dep boldyq. Oramaldy da taqtyq. Orap bittińder qyzdardy. Ol zaman ótti. Endi qyzdarǵa durys bilim beretin zaman keldi. Durys tańdaý jasaýdy, ózin qorǵanýdy úıretetin ýaqyt keldi. Blogerlerdiń barlyǵyna topyraq shashýdy qoıyńdar», - dep jalǵady sózin bloger.
Sonymen qatar jeli belsendisi Aıjan Bekbolat ta bul ýaǵyzǵa óz pikirin aıtty:
”Ýaǵyz aıtý úshin de adamǵa mı kerek. Sizderde mı bar deıin desem áńgimelerińiz jattandy kitap sózi men qatynnyń aýynan aspaıdy. Erkek degen istiń adamy. Ol ispen dáleldeý kerek. Ózderińizdiń erkek ekenderińizdi umytyp ketpeńizder” dedi ol.
Posmotret etý pýblıkaııý v Instagram
