Halyq arasynda util alymyn jaqtaityn petisiia jariialandy, dep habarlaidy "Adyrna" ūlttyq portaly kolesa.kz-ke sıltep.
Ündeu jasap, petisiia jariialaǧandar ükımetten otandyq öndıruşılerdı qoldaudy sūrauda. 25 mamyr künı «Halyq tabysyn arttyru! Önerkäsıptı damytu!» atty petisiia Epetition. kz portalyna şyǧyp, üş künde 10 myŋnan astam qol jinaǧan.
Ündeu avtorlary bilıkke «sūr importqa tosqauyl qoiudy küşeitıp, otandyq öndırıstı qoldau şaralarynyŋ tiımdılıgın arttyruǧa, jergılıktı öndırıstı damytuǧa baǧyttalǧan bastamalardy qoldauǧa, osy salaǧa investisiia tartuǧa jäne yntalandyruǧa, otandyq käsıporyndardyŋ ösuıne qolaily jaǧdai jasauǧa» şaqyryp, sūrau salǧan.
Būl ündeu util alymy men bastapqy tırkeudı tölemeu turaly petisiia 50 myŋnan astam qol jinaǧan soŋ paida boldy.
"Eşkım bıreudıŋ jeke müddesıne bola ekonomikalyq täuelsızdıgınen bas tartpaidy. Aqşa elde qaluǧa tiıs!" — dep mälımdedı petisiia avtorlary. Utildı jaqtaityn petisiia ony alyp tastau petisiiasynan keiın paida bolǧan.
Aita keteiık, util alymǧa qarsy petisiia 50 myŋǧa juyq qol jinaǧan. Önerkäsıp jäne qūrylys ministrı Qanat Şarlapaev util alymyna qarsy petisiia qalai qaralatynyn mälımdedı.
"Komissiia qūrylady, ol bırqatar öndıruşı zauyttarǧa baruy da mümkın. Sodan keiın komissiia qorytyndysyn jariialaimyz, odan soŋ qoǧamdyq tyŋdalym ötedı. Barlyq proseske şamamen 40 kündei ketedı. 24 mamyrdan 5 şıldege deiın qol qoiylǧan petisiia boiynşa zaŋǧa säikes pıkır beruımız qajet. Eger de petisiiaǧa balama joldar bolsa, olar da qabyldanyp, memleket tiısınşe qaraityn bolady", - dedı Qanat Şarlapaev.
Ūqsas jaŋalyqtar
