Bügın, 24 mamyrda Önerkäsıp jäne qūrylys ministrı Qanat Şarlapaev utilalymdy alyp tastau talap etılgen petisiia turaly pıkır bıldırdı, dep habarlaidy «Adyrna» tılşısı.
Ministr būl mäselenı köbıne qaita satumen ainalysatyndar köteretının atap öttı.
«Qarsylyq bıldıruşılermen 17 mamyrda kezdestım. Ülken jinalys öttı, parlament deputattary qatysty. Qarysylyq bıldıretın top atynan 12 adam keldı. Bız memlekettık saiasattaǧy özgerısterge qatysty pıkırımızdı bölıstık. Bıraq köbıne būl adamdar şetelden kölık satyp alyp, elge äkelıp, osynda satu arqyly aqşa tabatyny anyqtaldy»,—dedı ol.
Qanat Şarlapaev Ükımette utilalymdy joiu mäselesı talqylanyp jatpaǧanyn mälımdedı.
«Petisiaǧa bügınde 49200 adam qol qoiǧan. Tiıstı dauys jinalǧannan keiın Ükımet mäselenı öz qaramaǧyna alady dep oilaimyn. Qazırgı taŋda bız utilizasiialyq alymdy alyp tastaudy qarastyryp jatqan joqpyz»,—dep tüiındedı ministr.
Aita keteiık, būǧan deiın Senat deputaty Äli Bektaev auyl şaruaşylyǧy tehnikasyna utilizasiia alymyn alyp tastaudy ūsynǧan edı.
