Búgin, 10 mamyrda Ázerbaıjan men Armenııanyń syrtqy ister mınıstrleri ekijaqty kelissózder júrgizý úshin Almaty qalasyndaǵy Dostyq úıine keldi, dep habarlaıdy «Adyrna» tilshisi.
Qonaqtardy Qazaqstan SIM basshysy Murat Nurtileý qarsy alyp, mınıstrler kezdesý rásimine qatysý úshin Dóńgelek zalǵa ótti. Osy zalda 1991 jyly Almaty deklaraııasyna qol qoıylǵan bolatyn. Ol TMD elderiniń táýelsiz damýynyń negizderin belgilep, memleketaralyq shekaralardy aıqyndaý qaǵıdattaryn bekitti.
Mınıstr Ázerbaıjan men Armenııa biz úshin jaqyn baýyrlas elder ǵana emes, sonymen qatar strategııalyq seriktes ekenin málimdep, taraptarǵa jemisti jumys pen senimdi dıalog tiledi.
Ázerbaıjan men Armenııanyń syrtqy saıası vedomstvolarynyń basshylary óz sózderinde Qazaqstan tarapyna kelissózder alańyn usynǵany jáne is-sharanyń joǵary deńgeıde uıymdastyrylǵany úshin alǵystaryn bildirdi.
Kezdesý rásiminen keıin Ázerbaıjan men Armenııa delegaııalary ekijaqty formattaǵy kelissózderdi bastaý úshin kórshi zalǵa ótti.
Aıta keteıik, kezdesýdiń negizgi kún tártibi - eki el arasyndaǵy shekara máselesi.
