ForteBank keşırım sūrap, qazaqtıldı jobalar turaly habarlady

Qazaq tılın mındettı sanamaǧan «ForteBank» AQ resmi ökılı Gülnūr Aralbaeva qatelık kımnen ketkenın aityp, tüsınıkteme berdı, dep habarlaidy “Adyrna” ūlttyq portaly. «Keşeden berı el arasynda narazylyq pen tüsınıspeuşılık tudyryp jatqan ForteBank atynan qazaq tılı talap etılmegen bos jūmys orny boiynşa Headhunter saityndaǧy habarlandyruǧa qatysty tüsınıkteme berudı jön kördık. Tıl mäselesı, onyŋ ışınde qazaq tılı elımızde öte maŋyzdy ekendıgın tüsınemız jäne oryn alǧan osy jaǧdai üşın şyn jürekten keşırım sūraimyz», — deidı Aralbaeva. Sondai-aq bank mamandary şūǧyl türde tekserıs jürgızıp, robottan qatelık ketkenın anyqtaǧan. Al jauapty qyzmetker jazalanǧan. «Tüsındıre keteiık, Forte-de bos oryn turaly habarlamany jasandy intellektke negızdelgen robot rekruter avtomatty türde headhunter saityna jıberedı. Osy joly da solai boldy. Al jauapty qyzmetker habarlama mätının teksermegen. Būl öreskel qatelık adami faktordyŋ kesırınen oryn alǧan. Qazırgı taŋda kınälı qyzmetkerler tiıstı jazasyn aldy», — deidı bank ökılı. Aita keteiık, būǧan deiın jelıde tarap ketken jazbada jūmysqa qabyldau talaptarynyŋ bırı dep «Forte Bank»  ökılderı «Qazaq tılı mındettı emes» ekenın jazǧanyn jäne ol  äleumettık jelı qoldanuşylary arasynda şu tudyrǧan edı.