23 sáýir – Ulttyq kitap kúni bolyp bekitiledi. Bul týraly Ashyq NQA portalynda Týrızm jáne sport mınıstrliginiń qaýly jobasy jarııalandy, dep habarlaıdy “Adyrna” ulttyq portaly.
Qujat 22 mamyrǵa deıin kópshilktiń ashyq talqylaýynda bolady. Joba qabyldansa, 2025 jyldan bastap Ulttyq kitap kúni atap ótiledi.
Aıta keteıik, bıyl Atyraýda ótken Ulttyq Quryltaıda Prezıdent Qasym-Jomart Toqaev birqatar azamat usynǵan Ulttyq kitap kúnin belgileý týraly bastamany qoldaǵan bolatyn.
«Biz, eń aldymen, jastardy kitap oqýǵa baýlýymyz kerek. Sonda jappaı kitap oqıtyn ultqa aınalamyz. Táýelsizdik kezeńinde elimizde kitaphana isi kenjelep qaldy. Toqsanynshy jyldardaǵy alasapyran ýaqytta myńdaǵan kitaphana jabyldy. Mıllıondaǵan kitap qorynan aıyryldyq. Sońǵy jyldary jaǵdaıdy túzeý úshin áreket jasalyp jatyr.
Kitapqa qumar bolý – jaqsy qasıet. Mysaly, kóptegen memleket Ulttyq kitap kúnin atap ótedi. Bórihan Nurmuhamedov, Aıdos Sarym, Danııar Áshimbaev bastaǵan quryltaı músheleri osyndaı bastama kóterdi. Men olardyń Ulttyq kitap kúnin belgileý týraly usynysyn qoldaımyn. Biraq ony mazmundy etip ótkizý qajet. Mysaly, túrli is-sharalar uıymdastyryp, arnaıy jármeńkeler ótkizý qajet. Shyn máninde, ozyq oıly ult bolýdyń eń tóte joly – kitap oqý. Sondyqtan kitap oqý mádenıetin qoǵamda barynsha ornyqtyrýymyz kerek», – degen bolatyn Memleket basshysy.
