Respublika Prezidentı III Taşkent halyqaralyq investisiialyq forumynda alpauyt memleketterdı tau-ken önerkäsıbıne tartatynyn mälımdedı, dep habarlaidy "Adyrna" ūlttyq portaly Ortalyq Aziia jaŋalyqtaryna sıltep.
Jiyn 2 mamyr künı ötken bolatyn.
Özbekstan prezidentı Şavkat Mirzieev III Taşkent halyqaralyq investisiialyq forumynda söilegen sözınde Europalyq Odaq jäne AQŞ-pen ekonomikalyq yntymaqtastyqty, äsırese tau-ken önerkäsıbınde keŋeitu josparlary turaly aitty. Özbekstan maŋyzdy şikızat boiynşa AQŞ jäne Ūlybritaniiamen yntymaqtastyq ornatuǧa niettı.
Memleket basşysy respublikada altyn, mys, volfram, kümıs jäne uran siiaqty paidaly qazbalar men maŋyzdy metaldardyŋ qomaqty qory bar ekenın atap öttı. Onyŋ üstıne Özbekstanda litii, magnii, molibden, germanii, vanadii jäne indii siiaqty sirek kezdesetın metaldardyŋ köp mölşerı bar ekenı belgılı boldy.
Şavkat Mirzieev tau-ken salasyndaǧy strategiialyq yntymaqtastyq Özbekstan men Euroodaq arasynda būryn da bastalǧanyn eske saldy. Bolaşaqta Özbekstan basşysy AQŞ jäne Ūlybritaniiamen osyndai yntymaqtastyqty bastauǧa ümıttenedı.
Mirziioev ırı kompaniialardy Özbekstanda strategiialyq şikızatty öndıru jobalaryn jüzege asyruǧa qatysuǧa şaqyrdy.
Ūqsas jaŋalyqtar
