AQŞ-tyŋ Qazaqstandaǧy elşısı Deniel Rozenblium el tūrǧyndaryna, jurnalisterge su tasqynyna qatysty ündeu jasap, düniejüzılık baspasöz künımen qūttyqtady, dep habarlaidy "Adyrna" ūlttyq portaly.
«Osy Baspasöz bostandyǧy künınde men Qazaqstannyŋ barlyq jurnalisterıne eŋbekterıŋız üşın alǧys aitamyn, batyldyqtaryŋyz üşın raqmet jäne qoǧamymyzǧa sanaly şeşım qabyldauǧa kömektesu üşın söz qūdıretın paidalanǧandaryŋyz üşın alǧys aitamyn» - dep jazylǧan videoda.
Deniel Rozenblium öz ündeuınde 2024 jyly atalmyş kün jahandyq ekologiialyq daǧdarysty körsetudegı jurnalistikanyŋ rölıne arnalatynyn aitady.
«Qazaqstan üşın būl daǧdarys eldıŋ köp bölıgıne äser etken alapat su tasqyny saldarynan däl qazırgıdei jaqyn sezılgen emes. Elşılıktegı ärıptesterımmen osy apattyŋ qūrbandaryna, üilerınen, dünie-mülkınen jäne käsıbınen aiyrylǧan myŋdaǧan adam üşın qatty qaiǧyramyz», - dedı elşı.
Ol erjürek qūtqaruşylar men körşıles elderdıŋ janaşyrlyǧy, otandastaryna erıktı türde kömek körsetken sansyz qazaqstandyqtardyŋ ısıne qarap şabyt alǧanyn atap öttı.
"Jurnalisterdıŋ kün saiyn maŋyzdy aqparatty jūrtşylyq pen Ükımettıŋ nazaryna jetkıze otyryp, ekologiialyq daǧdarysty eŋserude rölı orasan. Olar sızge şyndyqty jetkızıp qana qoimai, qorşaǧan orta turaly, sonymen qatar jaŋalyqtar siujetı men mäselenıŋ barlyq spektrı boiynşa jalǧan aqparattyŋ taraluyn boldyrmau üşın söz qūdıretın paidalanady», - dep atap öttı Rozenblium.
Onyŋ aituynşa, söz qūdıretı qaşan da Qazaqstannyŋ dala demokratiiasynyŋ mädeni dästürınde tereŋ tamyr jaiǧan maŋyzdy bölıgı bolyp tabylady.
"Qazaqtyŋ belgılı ataqty aqyndary, şeşenderı şeşendıgın basşylyqqa eldestıruge, maŋyzdy jaŋalyqty jetkızuge paidalandy. Olar qoǧamda qūrmetke ie bolyp, eŋbekterı joǧary baǧalandy. Sol siiaqty bız de bügınde söz qūdıretın paidalanyp, bızdı habardar etıp jäne bızge älemdı aşyp jürgen jandardyŋ eŋbegın qūrmetteudı jäne baǧalaudy jalǧastyruymyz kerek», - dedı AQŞ-tyŋ Qazaqstandaǧy elşısı.
Ūqsas jaŋalyqtar
