«Almaty – bizdiń ortaq úıimiz» naýqany aıasynda qalalyq tarıhı-mádenı mura obektileriniń aýmaqtaryn keshendi tazalaý jumystary júrgizilýde. Búgingi tańda Almatyda 60-tan astam eskertkishter men músinder retke keltirildi: Táýelsizdik monýmenti, «Taǵzym» memorıaly, Sh.Ýálıhanov, N.Tilendıev, J. Jabaev, M. Áýezov, A. Moldaǵulova men M.Mámetova eskertkishteri jáne taǵy basqalary.
Eskertkishter men bıýstter aýmaǵynyń mańaıyn qoqystan tazartý, músindik qurylysty jýylady. Úlken músindermen jumys isteý úshin sýarý mashınalary qoldanylady. Sondaı-aq, eskertkishterdi vandalǵa qarsy jabynmen óńdeý jumystary josparlanǵan.
Barlyǵy 100-den astam tarıhı-mádenı mura nysandary men 6 arheologııalyq qorǵan qamtylady.
«Taza Qazaqstan» respýblıkalyq ekoakııasynyń «Ónegeli urpaq» taqyryptyq aptalyǵy aıasynda kóshetter men gúlder otyrǵyzý, sondaı-aq UOS ardagerlerine, qarttar men múmkindigi shekteýli jandarǵa úı mańyndaǵy aýmaqty jınaý boıynsha kómek kórsetýge baǵyttalǵan «Kórshińe kómektes» akııasy jalǵasýda.
Esterińizge sala keteıik, 8 sáýir men 8 mamyr aralyǵynda Almatyda «Almaty – bizdiń ortaq úıimiz» naýqany ótip jatyr. Árbir turǵyn qalanyń damýy men abattandyrylýyna óz úlesin qosa alady.
«Almaty – bizdiń ortaq úıimiz» naýqany týraly barlyq aqparat almaty.kz saıtynda, Almaty ákimdiginiń áleýmettik jelilerinde ornalastyrylǵan. Sondaı-aq, veb-saıtqa qala boıynsha bannerlerde, plakattarda arnaıy ornalastyrylǵan QR-kod arqyly da kirýge bolady.
