Oblys turǵyndary «Taza Qazaqstan» respýblıkalyq akııasy aıasynda Besqaraǵaı aýdanynyń Jylandy aýylynyń mańynda kóshet otyrǵyzdy. 12 gektar jerge 57 120 túp kóshet egildi.
Akııaǵa qaraǵaıly ormandy qalpyna keltirýge úles qosqysy keletin jerlesterimiz qatysty. Olardyń arasynda jastar, máslıhat depýtattary, eriktiler, BAQ ókilderi men sportshylar bar.
Akııaǵa kezekti márte qatysqan oblys ákimi Nurlan Uranhaev bul bastamanyń basty maqsaty óńirdiń bıoalýantúrliligi men ekojúıesin qorǵaýda sheshýshi ról atqaratyn ormandy saqtaý ekenin atap ótti.
«Bul akııa bir rettik shara emes. Aldaǵy ýaqytta da jalǵasady. Semeı qalasynda «Elimaı» FK, klýb tárbıelenýshileri, «Semeı» fýtzal komandasynyń oıynshylary kóshet otyrǵyzyp, akııaǵa óz úlesterin qosýda. Tazalyq jumystaryna bárimiz bir kisideı atsalysyp, aımaǵymyzdy kórkeıtý arqyly óskeleń urpaqqa úlgi bola alamyz», - dedi oblys ákimi óz sózinde.
Bıyl rezervat aýmaǵyndaǵy 6100 gektar jerge 28 mln 700 myń kóshet otyrǵyzý josparlanǵan. Bul jumys eki kezeńdi qamtıdy. Máselen, kóktemde 5 myń gektardan astam, al qalǵan 961 gektarǵa kúzde qaraǵaıdyń jas óskinderin jersindirý mindeti tur.
Anyqtama: Akııa bastalǵannan beri oblysta 12 myńǵa jýyq aýla retke keltirilip, turmystyq qatty qaldyqtar polıgonyna 13 myń tonnadan astam qaldyq shyǵaryldy. 80 myń aǵash, 22 myń buta otyrǵyzylyp, 218 saıabaq pen 85 tarıhı-mádenı eskertkish abattandyryldy.
