Tájikstan ishki ister mınıstrligi kóripkelder men zańsyz dinı oqytýlarǵa qatysty tártipti qatańdatatynyn jarııalady, dep habarlaıdy "Adyrna" ulttyq portaly. Málimdeme Tájikstan IIM resmı saıtynda jarııalandy.
"Tájikstan Respýblıkasynyń aýmaǵynda Tájikstan Respýblıkasynyń «Dástúrlerdi, merekeler men joralǵylardy retke keltirý týraly», «Tájikstannyń jaýapkershiligi týraly» zańdarynyń talaptaryn saqtamaýmen baılanysty buzýshylyqtardyń aldyn alý boıynsha tekserý-profılaktıkalyq jumystary jalǵasýda. Bul tusta "Ata-analardyń balalaryn oqytý men tárbıeleý týraly», «Ar-ojdan bostandyǵy jáne dinı birlestikter týraly» jáne t.b. sharalary atqarylýda" delingen málimdemede.
Sondaı-aq, baqsylyqpen, zańsyz dinı ilimmen aınalysatyn tulǵalarǵa, boıtumar men túrli belgiler taratatyn moldalarǵa baqylaý júrgizilip, mundaı tulǵalarǵa biryńǵaı tirkeý tizilimi engizilgeni ataldy.
"Osyndaı quqyq buzýshylyqtarǵa baılanysty Tájikstan Respýblıkasynyń zańnamasyna qylmystyq jáne ákimshilik jaýapkershilikti kúsheıtý máseleleri boıynsha ózgerister men tolyqtyrýlar engizilýde.
Alaıaqtyqpen (baqsylyq, kóripkeldik, boıtumarlar men tumarlar taratý, zańsyz dinı ýaǵyzdar júrgizý) arqyly kún kóretin tulǵalar 6 aıǵa deıin májbúrli jumysqa tartylady" delingen mınıstrlik habarlamasynda.
