«AMANAT» partııasynyń «Qaryzsyz qoǵam»jobasyn júzege asyrý jumysy jalǵasýda. Onyń negizgi maqsaty – azamattardyń qarjylyq saýatyn arttyrý. Joba byltyrsáýir aıynda bastaý alǵannan beri 100 myńnan astam adam oqýdan ótti. Endi partııalyqtar jeke qosalqy sharýashylyqtardy agrarlyq kooperatıvterge biriktirý arqyly «Qaryzsyz qoǵam» jobasy túlekterinińtabysyn arttyrýǵa kómektesýge nıetti.
Osy maqsatta «AMANAT» partııasy QR Qarjy naryǵyn retteý jáne damytý agenttiginiń, «Halyk Bank»-tyń jáne «Bank entr Kredıttiń» qoldaýymen «Qamqorshy AMANAT» qory qurylǵany týraly habarlaıdy. Tıisti memorandýmǵa búgin «AMANAT» partııasynyń Atqarýshy hatshysy Dáýlet Káribek, QR Qarjy naryǵyn retteý jáne damytý agenttigi tóraǵasynyń birinshi orynbasary Nurlan Ábdirahmanov, «Halyk Bank» Basqarma tóraǵasynyń orynbasary Ertaı Salımovjáne «Bank entr Kredıt» vıe-prezıdenti Anastasııa Ovsıannıkova qol qoıdy.
Dáýlet Káribek «Qaryzsyz qoǵam» jobasyna qatysýshylardyń úshten bir bóliginde eki jáne odan da kóp nesıesi bar ekenin atap ótti. Sondaı-aq balalary men nemerelerinińqaryzyn óteýge májbúr zeınetkerler de kezdesedi. Joba aıasynda barlyǵy 100 myńnan astam adam qarjylyq saýatyn arttyrdy. Endi olardyń tabysyn joǵarylatý mindeti tur.
«Partııanyń «Qaryzsyz qoǵam» jobasy nesıe qamtyn kıip, muqtajdyqqa tap bolǵan azamattarymyzǵa tikeleı ári naqty qoldaý kórsetý úshin qolǵa alynyp otyr. Memleket basshysynyń tapsyrmasymen bıyl elimizdiń barlyq óńirinde jobanyń ekinshi kezeńi bastalady. Negizgi maqsatymyz – halqymyzdyń qarjylyq saýatyn barynsha arttyrý, sol arqyly azamattardy qaryzdyń tuzaǵynan qutqarý», – dedi ol.
«Qamqorshy AMANAT» qory oqý-ádistemelik ortalyqtardyń qarjylandyrý kózine aınalady. Atalǵan ortalyqtarda tilek bildirýshiler teorııalyq bilim alyp qana qoımaı, aýyl sharýashylyǵynyń túrli baǵyty boıynsha tájirıbelik daǵdylardy ıgere alady. Qatysýshylar úshin tájirıbeli zerthanalar men jobalardy tolyq júzegeasyrýǵa qajet barlyq qural qoljetimdi bolmaq. Buǵan qosa, qurylyp jatqan kooperatıvterge lızıngke óndiristik jabdyqtar usynylyp, qaıtarymdy granttar beriledi.
«Jambyl oblysy Merki aýdanynda«Agrosaýat» atty alǵashqy ortalyq ashyldy. Aýdanda aýyl sharýashylyǵyn damytý áleýeti joǵary. Turǵyndardyńbasym kópshiliginde shamamen 10 sotyq jer bar. Kóbisi baqsha egedi, mal ósiredi. Alaıda tek 1%-y ǵana aýyl sharýashylyǵy ónimderin satady. «Qamqorshy AMANAT» qory jeke-qosalqy sharýashylyqtardy kooperatıvterge biriktirip qana qoımaı,maldy, tuqymdy biryńǵaı satyp alýǵa, mashına-traktor stansalarynuıymdastyrýǵa, ónimdi sertıfıkattaýǵa jáne ótkizýge kómek kórsetetin, qaıta óńdeý jobalaryn damytatyn, ónim saqtaý qoımalaryn salýǵa yqpal etetin jáne ózge de jumystar júrgiziletin tutas ekojúıequrýǵa múmkindik beredi», – dedi «Qaryzsyz qoǵam» jobasynyń jetekshisi Aqmaral Bekmurzaeva.
Sondaı-aq oqý-ádistemelik ortalyqtar jeke-qosalqy sharýashylyqtardyń jáne kooperatıvterdiń qandaı taýarlar óndirýi kerek ekenin anyqtaý úshin ár aýdannyń jáne naqty aýyldyń mamandanýyn anyqtaýǵa múmkindik beredi.
Aıta keteıik, «Qaryzsyz qoǵam» jobasy byltyr 2 mamyrda Halyk Bank-tyń qoldaýymen qanatqaqty rejımde bastaý aldy. Sarapshylardyń dárisinen bólek, jobaǵa qatysýshylar enbek.kz portalyna tirkelý jáne JK ashýdan bastap, sottan tys bankrottyqty súıemeldeý jáne bereshekti óteý kestesin ázirleýge deıingi túrli suraqtar boıynsha keńes alady. Sondaı-aq, oqytý barysynda qatysýshylarǵa zańger kómegine kepildik beriledi. Olar ár qaryz alýshynyń nesıe tarıhyn jeke zerttep, qaryz júktemesin jeńildetý boıynsha keńes beredi.
Kýrsqa jazylý úshin qogamfin.kz. saıtyndaǵy nysandy toltyrý qajet. Jobaǵa qatysýshylar kúndizgi formatta saýatyn arttyryp, bir topta 50 adamǵa deıin oqytylady. Dáristiń uzaqtyǵy – 5 jumys kúni.
