Tuńǵyshbaı Jamanqulov: Men shartty túrde túrmedemin!

951

Tuńǵyshbaı Jamanqulov qazirgi jaǵdaıy týraly aıtty, dep habarlaıdy "adyrna.kz" ulttyq portaly "Ýaqyt kórsetedi" baǵdarlamasyna silteme jasap.

Qazirgi tańda qatań qadaǵalaýda júrgen Tuńǵyshbaı Jamanqulov shartty túrde túrmede ekenin jasyrmady. Akter halyqpen qansha jerden birge bolǵysy kelse de, jalǵan jalanyń arqasynda úıden uzaı alamaı otyrǵanyn aıtyp berdi. Óner ıesi adam kóp jınalǵan jerde boı kórsete bermeıtinin de jetkizgen.

"Arystaǵy jaǵdaıǵa jetip barǵym keldi. Onyń aldynda bolǵan mıtıngterde zańdysy, zańsyzy bolsyn arasynda bolǵym keldi. Biraq men qazir shartty túrde túrmedemin. Sondyqtan maǵan kóp jerde kórine berýge bolmaıdy. Meni qarap otyrǵan qyzyl jaǵaly jigitter "Aǵa, kishkene sabyr etińizshi, adam kóp jerge barmańyzshy. Jelide sizdi kórsete bermesin. Sizdiń jaýlaryńyz, jaqsy kóretin, tyrnaqshanyń ishindegi, adamdaryńyz kórip qalyp, mynalaryń taırańdap júr ǵoı dep ýáj aıtady" deıdi", - dep aǵynan jaryldy Tuńǵyshbaı Jamanqulov.

Dıvanda jatyp jalyqqan akter, tipti jıhazdy syndyratyn jaǵdaıǵa jetkenin aıtyp berdi. Jurt kórgen kúndi birge kórip, qýanyshy men qaıǵysyna ortaqtasqysy keletin óner ıesi sharasydyǵyn jasyrmady.

"Maǵan naqaqatan jabylǵan jalanyń arqasynda shartty túrde úıden shyqpaýymnyń amalyn jasap qoıǵannan keıin, súlderim quryp, amaldyń joqtyǵynan dıvanda otyryp, syqyrlatyp, syndyryp jibere jazdaımyn", - deıdi Tuńǵyshbaı Jamanqulov.

"Adyrna" ulttyq portaly

Pikirler