Arys qalasynyń 50 balasy Batys Qazaqstan oblysyndaǵy demalys ornyna attanyp ketti. Sonymen birge keshke qaraı 150 oqýshy tabıǵaty tańǵajaıyp Shyǵys Qazaqstan oblysyna jiberildi.
Oqýshylardy ata-analary men ustazdary Arystaǵy temir jol vokzalynan shyǵaryp saldy. Buǵan deıin arystyq oqýshylar Pavlodar (129), Aqmola (145), Jambyl (200), Almaty oblystary (150) men Nur-Sultan (200) qalasyna demalysqa joldanǵan bolatyn.
Jalpy osy jazǵy demalysta Arystyń 4 myńnan astam oqýshysyn ózge óńirlerge demalysqa jiberý kózdelgen. Qazirgi tańda 1 myńnan astam oqýshy demalysqa jiberildi. Sonymen qatar Túrkistan oblysynyń aýdandary 462 balany jazǵy saýyqtyrýmen qamtýda. Oqýshylardy arnaıy bekitilgen ustazdar alyp júredi jáne jas órenderdiń alańsyz tynyǵýyna qolaıly jaǵdaı jasalǵan.
"Adyrna" ulttyq portaly
