Kóktemgi sý tasqyny elimizdiń biraz aımaǵyn ábigerge saldy. Ásirese Abaı, Aqtóbe jáne Qostanaı oblystaryndaǵy jaǵdaı kúrdeli. Sý tasqynynan zardap shekken otbasylarǵa«AMANAT» partııasy «Jastar Rýhy» Jastar qanatynyń erikteleri kómektesip jatyr.
Jastar qanatynyń Aqtóbe oblystyq fılıalynyń tóraǵasy Álisher Tynyshtyqtyń aıtýynsha eriktiler elimizdegi tótenshe jaǵdaılar kezinde eshqashan shet qalmaǵan.
«Aımaqtardaǵy qazirgi ahýal barshamyzǵa belgili. Oblysymyzdaǵy jaǵdaıdy bile tura, qol qýsyryp otyra almadyq. Bir top erikti Shubarqudyq aýylyna jolǵa shyqtyq. Qardyń qarqyndy erýine baılanysty bolǵan sý tasqanynan zardap shekken turǵyndarǵa barynsha kómek kórsetýge daıynbyz», - deıdiÁ. Tynyshtyq.
Al Qostanaı oblysyndaǵy Ekidiń aýylynda kómek kórsetip júrgen eriktilerdiń biri – Abzal Nurıdın.
«Munda 12 úıdi sý basyp qalǵan. Eriktiler evakýaııalaý jumystaryna atsalysyp jatyr», - deıdi ol.
«Jastar Rýhy» Jastar qanatynyń tóraǵasy Aqerke Eskendirovanyń aıtýynsha, búkil el boıynsha 100-den astam volonter ortaq iske jumyldyrylǵan.
Bir jaǵadan bas, bir jeńnen qol shyǵaryp sý tasqynynyń alǵashqy saǵatynan-aq jergilikti turǵyndarǵa kómek berýdemiz. Byltyr Abaı oblysynda bolǵan órt kezinde de bar kómegimizdi aıamaǵanbyz. Jastar qanatynyń volonterleri árdaıym halyqqa kómek berý isinde alǵy shepte dep aıta alamyn. Qazirgi tańda Qostanaı, Abaı, Aqtóbe jáne basqa da sý alyp jatqan aımaqtarda bizdiń birneshe volonter kómek kórsetýde», - dedi ol.
«Jastar rýhy» Jastar qanaty jasaqtaǵanvolonterler toby qardyń erýi men topyraqtyń jibýi saldarynan bolǵan sý tasqynynanzardap shekken jáne evakýaııalanǵanturǵyndarǵa belsendi kómek kórsetip bermek.
