Búginde adamzatqa tónip turǵan basty qaýiptiń biri ol - terrorızm. Sebebi ol kez- kelgen jerde, kez - kelgen ýaqytta bolýy múmkin jáne onyń qurbany qarapaıym halyq.
Sońǵy kúnderi álem nazary Máskeýde. Ol jerde bolǵan lańkestikte qaza bolǵandar sany 130 - dan asyp, jaralanǵandar sany 180- nen asyp jyǵyldy. Jazyqsyz bútindeı otbasy, qamsyz sábı de lańkestik qurbany boldy. Júrgizip otyrǵan saıasatyna qaramastan, qarapaıym halyqtyń qaıǵysyn túsinip, búkil álem bir sát orys halqymen birge boldy. Eshkim lańkestikti jaqtamaıtyny belgili, Qazaqstanda qatań aıyptaıtynyn jetkizdi.
Ult qaýipsizdigi memlekettik saıasattyń basty mindeti. Osy oraıda el Prezıdenti birden Qaýipsizdik keńesiniń otyrysyn ótkizip quzyrly organdarǵa terrorızmmen kúresý sharalaryn, onyń aldyn - alý áreketteri jaıly birqatar tapsyrmalar berip, halyqaralyq uıymdarmen de áriptestikti arttyrý máselesin talqylady.
Sonymen qatar, búgingi AQSh senatory Stıv Deınspen bolǵan kezdesý barysynda da halyqaralyq jáne óńirlik qaýipsizdik máseleleri jaıly sóz qozǵap, Qazaqstannyń terrorızmge qarsy sharaǵa únemi kómek qolyn sozyp, birige kúsh jumyldyrýǵa daıyn ekenin atap ótken.
Damir Belgibaev
