Qazgıdromet málimetinshe, atmosferalyq fronttardyń ótýine baılanysty respýblıkanyń basym bóliginde turaqsyz aýa raıy saqtalady, jańbyr jaýyp, naızaǵaı kúrkireıdi, jeldiń kúsheıýi, burshaq, daýyl, ońtústikte, shyǵysta shańdy daýyl turady, tek respýblıkanyń ońtústiginde, ońtústik - batysynda jaýyn-shashynsyz aýa raıy kútiledi.
Aqmola, Soltústik Qazaqstan, Qaraǵandy oblystarynyń keı jerlerinde jel sekýndyna 15-20 metr kúsheıedi. Soltústik Qazaqstan oblysynyń keı jerlerinde tuman túsedi. Almaty oblysynyń keı jerlerinde naızaǵaı oınap, sekýndyna 17-22 metr jel kúsheıedi. Qyzylorda oblysynyń keı jerlerinde shańdy daýyl bolady, jel 15-20, kúndiz ekpini sekýndyna 25 metr jetedi. Qostanaı oblysynyń keı jerlerinde tuman túsip, jel sekýndyna 15-20 metr kúsheıedi. Kúndiz Batys Qazaqstan oblysynyń keı jerlerinde burshaq jaýyp, sekýndyna 15-20 metr jel kúsheıedi. Shyǵys Qazaqstan oblysynyń keı jerlerinde shańdy daýyl bolady, sekýndyna 15-20 metr jel kúsheıedi. Kúndiz Pavlodar oblysynyń keı jerlerinde sekýndyna 15-20 metr jel soǵady. Qyzylorda, Aqtóbe, Qaraǵandy, Túrkistan, Jambyl, Almaty oblystarynyń keı jerlerinde tótenshe órt qaýpi saqtalady.
Derekkóz: tengrinews.kz
"Adyrna" ulttyq portaly
