Qazaqstan Máskeýdegi beıbit azamattarǵa qarsy terrorıstik aktini qatań aıyptaıdy. Bul týraly el prezıdenti Qasym-Jomart Toqaev aıtty, dep habarlaıdy «Adyrna» tilshisi Aqordaǵa silteme jasap.
Memleket basshysy terrorızmdi múlde aqtaýǵa bolmaıdy dep sanaıdy. Ol BUU-ǵa múshe memleketterdi jazyqsyz azamattarǵa qarsy zorlyq-zombylyqtyń bul túrine biraýyzdan qarsylyq tanytýǵa shaqyrdy.
Prezıdenttiń tapsyrmasy boıynsha, qajet bolǵan jaǵdaıda, Qazaqstannyń quqyq qorǵaý organdary reseılik áriptesterine kómek kórsetedi.
Sonymen qatar Qasym-Jomart Toqaev lańkestik áreket kezinde azamattardyń qaza tabýyna baılanysty Reseı prezıdenti Vladımır Pýtınge kóńil aıtty.