Qazaqstan Respublikasynyŋ Sifrlyq damu, innovasiialar jäne aeroǧaryş önerkäsıbı ministrı Baǧdat Musin YouTube Premium qyzmetı endı qazaqstandyqtar üşın qoljetımdı bolatynyn aitty, dep habarlaidy "Adyrna" ūlttyq portaly.
Ministrdıŋ aituynşa, ötken jyldyŋ nauryz aiynda Kremnii alqabyna jūmys sapary barysynda ol YouTube-tıŋ önımdı basqaru jönındegı vise-prezidentı Adam Smitpen Qazaqstanda servistı ıske qosu mäselesın talqylaǧan.
"Al bügın men sızdermen keremet jaŋalyqpen bölıskım keledı. Qoldanuşylar men kontent jasaityndarǧa jaŋa mümkındıkter aşatyn YouTube Premium endı Qazaqstanda. Būl oqiǧa eldıŋ sifrlyq infraqūrylymyn damytu men ony jahandyq jelıge bırıktırude jasaǧan eleulı qadam", - delıngen habarlamada.
Basqa qyzmettermen qatar YouTube Premium-dı qoldanu beine men muzykalyq mazmūnǧa jarnamasyz şeksız qol jetımdılıktı, beine materialdardy oflain rejimde köru üşın ony jükteu mümkındıgın jäne basqa qosymşalardy qatar qoldanu kezınde ony fondyq rejimde de tyŋdau mümkındıgın qamtamasyz etedı.
Baǧdat Musin, sonymen qatar, qazır sifrlyq ekonomikany damytu men Qazaqstandaǧy jergılıktı kontent-jasauşylardy qoldau mümkındıkterı talqynalyp jatqanyn aitty.Ūqsas jaŋalyqtar
