Daudyŋ basy - Dariǧanyŋ kenje sıŋlısı. Ministr taǧy da müdırdı

Ekologiia jäne tabiǧi resurstar ministrı Erlan Nysanbaev būǧan deiın Äliia Nazarbaevamen bailanysy bar kompaniia qoqys şyǧarumen ainalyspaidy degen sözıne jauap beruge qinaldy, dep habarlaidy "Adyrna" ūlttyq portaly. «Bırden aita ketkım keledı, būl mäsele bızdıŋ qūzyrymyzdan tys, jergılıktı atqaruşy organdardyŋ qūzyrynda. Ötken joly berılgen aqparatqa kelsek, mende odan özge basqa aqparat joq dep aita alamyn. Maǧan sonda Äliia Nazarbaevanyŋ būl kompaniiaǧa eş qatysy joq degen aqparat berıldı. Men būdan artyq eşteŋe aita almaimyn», - dedı Nysanbaev seisenbı künı ükımet otyrysynda. Jurnalist saual qoiu barysynda atap ötkendei, Astana äkımı Jeŋıs Qasymbek eks-prezident Nūrsūltan Nazarbaevtyŋ qyzyna qatysy bar «Clean City NC» JŞS qalada qyzmetın jalǧastyryp jatqanyn aitqan. Aqyrynda senımsız bolyp şyqqan aqparatty Nysanbaevqa kım berdı degen sūraqqa ol būl aqparatty qaramaǧyndaǧylar bergenın aitty. «Demek, olar sızge qate aqparat berdı me?» – dep naqtylady jurnalist. «Bız mūny anyqtauymyz kerek», - dedı ministr. Eske salaiyq, būǧan deiın Äliia Nazarbaeva reiderlık jolǧa tüsıp, 170 million dollardyŋ mülkın ūrlaǧany üşın aiyptalǧan bolatyn. Sonymen qatar, soŋǧy uaqytqa deiın eks-prezidenttıŋ qyzymen bailanysy bar Instant Payments kompaniiasynyŋ reiderlık şabuylda maŋyzdy röl atqarǧany belgılı.  Däl osy kompaniia 2022 jylǧy qaŋtar oqiǧasyna deiın «Qazaqtelekom» ūlttyq kompaniiasymen tyǧyz jūmys ıstegen.