Saǵyntaev Almaty ákimi qyzmetine kirise otyryp, qala túrǵyndary aldyndaǵy zor jaýapkershiligin sezinetinin aıtty.
https://www.instagram.com/p/BzW7mfyhVUJ/?utm_source=ig_web_copy_link
Baqytjan Saǵyntaev: "Qurmetti almatylyqtar! (...) Almaty - árqaısymyzdyń júregimizden erekshe oryn alǵan qala. Almatyǵa degen ár qazaqstandyqtyń yqylasy erekshe. Bul qala - meniń jastyǵymnyń, kásibı kemeldenýimniń kýási. Meniń basty maqsatym - Almatyny ár turǵyn berekeli ómir súretin qaýipsiz, qolaıly, zamanǵa saı megapolıske aınaldyrý. Qalanyń problemalary men damý strategııalaryn sizdermen ashyq talqylaǵym keledi. Sizdermen tikeleı baılanys ornatý úshin Facebook, Twitter, Instagram jelilerinde tirkeldim. Aqyldasa otyryp, birge jumys isteıik!", - dedi Almaty ákimi áleýmettik jelidegi paraqshasynda.
Eske salaıyq, 28 maýsymda Baqytjan Saǵyntaev Almaty qalasynyń ákimi bolyp taǵaıyndaldy. Oǵan deıin Saǵyntaev Prezıdent Ákimshiliginiń basshysy qyzmetinde bolǵan edi. Ol ákimshilik basshysy qyzmetin 2019 jyldyń 24 naýryzynan bastap atqardy.
"Adyrna" ulttyq portaly
