Jurnalist Qymbat Dosjan şetelden kelgen Jänıbekke qatysty jazba jariialady, dep habarlaidy “Adyrna” tılşısı.
Qymbat Dosjan Instagram jelısındegı paraqşasynda jazba jariialap, Jänıbekke qatysty jalǧan aqpara taratpaudy sūrady.
“Soŋǧy künderı Jänıbekke qatysty terıs aqparat qaptap kettı, anyǧyn özım aitaiyn. Bırınşıden, Anasy älı tabylmady (äzırge deiık), Äkesı jaily da eşqandai aqparat joq. Boljamdy äkesı dep jūrtty dürlıktırgen er adammen bız 5 qaŋtarda söilesıp, zerttep, äkesı emes ekenın bırden tüsındık. Basqa telearnaǧa baryp, test tapsyryp, efirge qatysyp jürgenı bızge tüsınıksız, özıne aian bolar. “Barmysyŋ, bauyrym?”redaksiiasy jurnalistık zertteu jūmysyn tolyq atqaryp şyqty. Qūjat bermei, aty-jönın ötırık aityp, qolhat jazyp, Jänıbek degen ūlyn tastap ketken äieldı — resmi qūjattar boiynşa Jänıbektıŋ anasy dep jazylǧan äieldı bız jeltoqsanda taptyq”, - dedı.Odan bölek, “Barmysym, bauyryŋ?” baǧdarlamasynyŋ jürgızuşısı belgiialyq äieldıŋ Arqalyqqa kelıp, bälenbai myŋ euro sanap berdım degen kısını de bıletının aitty.
“Tergep-tekseru ısı jürıp jatyr, ol qūqyq qorǧau organdardyŋ qolynda. Künı bügınge deiın 28 äiel, 1 er kısı analiz tapsyrdy. Nätije 0%. Taǧy da boljamdy ana nemese äke boluy mümkın adamdar bar, zertteu toqtaǧan joq. Ekınşı mäsele: Jänıbektıŋ İspaniiada ainalysatyny mausymdyq jūmys (turisterge qyzmet körsetu) ol orta mekteptı bıtırgen soŋ bızdegıdei bırden univerge tüspegen, bıraq joǧary oqu ornynda oqu josparynda bar. Bılımdı ärine, sol Europada alsam dep oilaidy. Maiorkada jalǧyz özı päter jaldap tūrady, jekemenşık baspanasy joq. Otbasym dep, eŋ jaqyn dostaryn aitady. Januarlarym dep ranchoǧa baryp, (taǧy da jaldanyp) özı baptap kömektesıp jürgen attaryn da qosyp aitady. Jänıbektıŋ basynda üiı de, qūrǧan otbasy da joq. Asyrap alǧan şeşesı Belgiiada qalǧan”, - dep qorytyndylady Qymbat Dosjan.
Ūqsas jaŋalyqtar
