Jer silkinisi kezinde jalǵan aqparat taratqandar qylmystyq jaýapkershilikke tartylady. Bul týraly Tótenshe jaǵdaılar departamenti eskertti, dep habarlaıdy “Adyrna” ulttyq portaly.
«Qala turǵyndary arasynda jalǵan aqparattyń taralýyna baılanysty Almaty qalasy tótenshe jaǵdaılar departamenti qalada tótenshe jaǵdaılar kúshteri men quraldaryn toptastyrýdy kúsheıtip jatpaǵanyn habarlaıdy. Azamattyq qorǵaý júıesi shtattyq rejımde jumys isteýde», – dep jazylǵan habarlamada.
Sondaı-aq vedomstvo ókilderi jalǵan aqparat taratqandarǵa qylmystyq jaýapkershilikke deıingi jaza qarastyrylǵanyn atap ótti.
Aıta keteıik, áleýmettik jelilerde dúmpýlerdiń qaıta bolatyny jáne jan-jaqtan tótenshe jaǵdaılar qyzmetkerleri jınalyp jatqany jaıynda “tanysym, jezdem, kórshim aıtty” degen jalǵan aqparattar taraýda.