Arys qalasynda 779 túlek UBT tapsyrýǵa ótinish bergen. 30 maýsymǵa deıin jalǵasatyn baıqaý synaǵyna Arys qalasynyń túlekteri tolyqtaı qatysyp úlgere aldy ma? Bul suraqqa QR Bilim jáne ǵylym mınıstrligi joǵary jáne joǵary oqý orynan keıingi bilim departamentiniń dırektory Ádilet Toıbaev jaýap berdi.
«Arysta Ulttyq biryńǵaı test tapsyratyn bir pýnkt bolatyn. Ol qaladaǵy №1 mektepte ornalasqan. Jalpy, bul óńirde 779 túlek test tapsyrýǵa ótinish qaldyǵan edi. Sonyń ishinde 772-si testileýden ótti. Iaǵnı 98 % tapsyrdy. Olar 21 jáne 23 maýsym kúnderi eki lekpen tapsyrdy. Keshe 24 maýsymda saǵat 09:00-de apellııaııalyq №1 mektebinde apellıaııalyq komıssııa óz jumysyn bastaǵan bolatyn. Ókinishke qaraı, sol ýaqytta áskerı bólimshedegi jarylystan keıin komıssııa jumysy toqtap qaldy», - deıdi Ádilet Toıbaev.
Onyń aıtýynsha, zardap shekken eshkim joq. Arys qalasynda bilim jáne ǵylym mınıstrliginiń 12 ókili jumys istegen.
«Qazirgi ýaqytta mınıstrliktiń 12 múshesi Shymkent qalasynda. Endi, 10-y elordaǵa qaıtady. Tek komıssııa tóraǵasy sonda qalady. Jaǵdaı turaqtalǵan soń bul apellıaııany ótkizetin bolamyz. Óıtkeni, apellıaııany ótkizip úlgermedik. Áli 30 maýsymǵa deıin ýaqytymyz bar. Eger úlgermeı jatsaq, onyń ýaqytyn sozamyz», - dedi mınıstrlik ókili.
