Qytaılyq hakerler toby Qazaqstannyń IT-ınfraqurylymynyń mańyzdy nysandaryn eki jylǵa jýyq ýaqyt boıy baqylap kelgen. Bul týraly Kıbershabýyldardy taldaý jáne tergeý ortalyǵy (KTTO) málimdedi, - dep habarlaıdy "Adyrna" ulttyq portaly.
«2024 jyldyń 16 aqpanynda belgisiz bireýler GitHub resýrsynda Qytaıdyń Qoǵamdyq qaýipsizdik mınıstrliginiń (MPS) merdigerleriniń biri qytaılyq iSoon (aka Anxun) kompanııasynyń qupııa derekteriniń jarııalanyp ketkenin habarlady», - dedi KTTO.
Ortalyqtyń málimetinshe, hakerler zııandy baǵdarlamalardy, Windows, Mac, iOS jáne Android júıesine arnalǵan troıandyq baǵdarlamalardy, DDoS qyzmetterin, áleýmettik jeli qoldanýshylaryn anonımızaııalaý júıelerin, Wi-Fi jelisin buzý jabdyqtaryn jáne t.b. aqparattardy paıdalanǵan.
"Shabýyl jasaýshylardyń maqsaty derekter bazasy sııaqty jalpy aqparat jáne naqty tulǵalardyń maqsatty aqparattary boldy. Onyń ishinde hat almasýdy, qońyraýlardy jáne qozǵalysty baqylaýǵa múmkindik alǵan. Derekterdi taldaý barysynda urlanǵan aqparat kólemi terabaıtpen ólshengeni anyqtaldy. Qazaqstan, Qyrǵyzstan, Mońǵolııa, Pákistan, Malaızııa, Nepal, Túrkııa, Úndistan, Egıpet, Franııa, Kambodja, Rýanda, Nıgerııa, Gonkong, Indonezııa, Vetnam, Mıanma, Fılıppın jáne Aýǵanstan elderindegi ınfraqurylym nysandarynyń aqparattaryn baqylaǵan», - delingen habarlamada.
Sonymen qatar, IDNET jáne IDTV paıdalanýshylarynyń abonentterdiń jeke derekteri bar baza, sondaı-aq BJZQ jáne «Air Astana» áýe kompanııasynyń derekteri jarııalandy.
KTTO osy hakerler tobynyń qurbandary kimder ekenin jáne olar kimge kóbirek qyzyǵýshylyq tanytqanyn tekserdi. Isti tekserý nátıjesinde tártip saqshylarǵa da maqsatty shabýyldar jasalǵany anyqtaldy.
