Qytai kompaniialary köbınese şaǧyn ken oryndarynda jūmys ısteidı
Energetika ministrı Qanat Bozymbaev otandyq mūnai-gaz salasyndaǧy şeteldık kompaniialardyŋ ülesı turaly aityp berdı, dep habarlaidy Sputnik Qazaqstan tılşısı.
"Şeteldık kompaniialardyŋ ülesı öte zor. Öitkenı olar Qazaqstanǧa kelıp, investisiialardy tartyp, alyp keledı. Osy salaǧa bızdıŋ öz qarjymyz eşqaşan jetpeidı. Sebebı qyruar qarajat qajet. Mäselen, Teŋız jobasyn keŋeitu boiynşa "Şevron", "EksonMobil" siiaqty şeteldık kompaniialardyŋ arqasynda tek bır ken ornynda üş jylda 37 milliard dollardy igereiın dep jatyrmyz", - dedı Bozymbaev elordada ötken baspasöz mäslihatynda.
Ministr ärbır şeteldık kompaniianyŋ naqty ülesın atai almaidy. Bıraq Teŋız, Qaşaǧan men Qaraşyǧanaq siiaqty ırı jobalarda şetel investorlarynyŋ ülesı 60 prosentten asatynyn jetkızdı. Negızgı aksionerler – Ūlybritaniia, AQŞ, İtaliia men Resei.
"Qaşaǧanda bır qytailyq kompaniianyŋ ülesı bar. Ol şamamen 16 prosent siiaqty. Sondyqtan sondai bır artyp kettı degen sözdıŋ eşqandai negızı joq. Bıraq kışıgırım ken oryndarynda on şaqty qytai kompaniiasy osy ken oryndary kompaniialarynyŋ ielerı bolyp otyr. Ol ras. Ondai bar. Äsırese, Qyzylorda men Aqtöbe oblysynda", - dep atap körsettı Bozymbaev.
