Qytaı kompanııalary kóbinese shaǵyn ken oryndarynda jumys isteıdi
Energetıka mınıstri Qanat Bozymbaev otandyq munaı-gaz salasyndaǵy sheteldik kompanııalardyń úlesi týraly aıtyp berdi, dep habarlaıdy Sputnik Qazaqstan tilshisi.
"Sheteldik kompanııalardyń úlesi óte zor. Óıtkeni olar Qazaqstanǵa kelip, ınvestıııalardy tartyp, alyp keledi. Osy salaǵa bizdiń óz qarjymyz eshqashan jetpeıdi. Sebebi qyrýar qarajat qajet. Máselen, Teńiz jobasyn keńeıtý boıynsha "Shevron", "EksonMobıl" sııaqty sheteldik kompanııalardyń arqasynda tek bir ken ornynda úsh jylda 37 mıllıard dollardy ıgereıin dep jatyrmyz", - dedi Bozymbaev elordada ótken baspasóz máslıhatynda.
Mınıstr árbir sheteldik kompanııanyń naqty úlesin ataı almaıdy. Biraq Teńiz, Qashaǵan men Qarashyǵanaq sııaqty iri jobalarda shetel ınvestorlarynyń úlesi 60 proentten asatynyn jetkizdi. Negizgi akıonerler – Ulybrıtanııa, AQSh, Italııa men Reseı.
"Qashaǵanda bir qytaılyq kompanııanyń úlesi bar. Ol shamamen 16 proent sııaqty. Sondyqtan sondaı bir artyp ketti degen sózdiń eshqandaı negizi joq. Biraq kishigirim ken oryndarynda on shaqty qytaı kompanııasy osy ken oryndary kompanııalarynyń ıeleri bolyp otyr. Ol ras. Ondaı bar. Ásirese, Qyzylorda men Aqtóbe oblysynda", - dep atap kórsetti Bozymbaev.
