«Maıqaıyńaltyn» AQ aýmaǵyndaǵy apatty tergeý jónindegi komıssııa tekseris nátıjesin jarııalady. Bul týraly oblystyq tótenshe jaǵdaılar departamenti aıtty, dep habarlaıdy «Adyrna» tilshisi.
Tergeý 4-24 qańtar aralyǵynda júrgizildi.
«Komıssııa 7 jaýapty adamdy anyqtady, olardyń áreketi saldarynan jazataıym oqıǵa boldy. Eńbek zańnamasyna sáıkes tergeý materıaldary quqyq qorǵaý organdaryna jiberildi», - delingen habarlamada.
Tergeý nátıjelerine sáıkes apatqa myna jaǵdaılar sebep bolǵan:
- jumys óndirisi durys uıymdastyrylmaǵan;
- «Maıqaıyńaltyn» AQ jaýapty tulǵalary tarapynan taý-ken jumystarynyń qaýipsiz júrgizilýine óndiristik baqylaý tıisti túrde júzege asyrylmaǵan;
- bloktardy óńdeý kezinde qazbalardan qulaý proesin baqylaý durys júrgizilmegen.
Eske sala ketsek, 4 qańtarda Pavlodar oblysy Baıanaýyl aýdanynda «Maıqaıyńaltyn» AQ shahtasyna qutqarýshylar mingen avtobýs qulap ketken edi. Eki adamnyń denesi birden tabyldy. Al avtobýs pen eki qutqarýshy áli izdestirilip jatyr.
