ShQO-ǵa Pavlodar men Shymkent qalalaryndaǵy Nazarbaev zııatkerlik mektepteriniń úzdik oqýshylary «Týǵan elge taǵzym» ólketaný-zertteý ekspedıııasymen keldi.
Atalǵan joba «Nazarbaev Zııatkerlik mektepteri» derbes bilim berý uıymynyń bastamasymen týǵan ólkeni tanyp bilýge, otansúıgishtik sezimdi arttyrýǵa baǵyttalǵan. Barlyǵy 28 oqýshy bir apta boıy oblysymyzdaǵy tarıhı nysandardy, qoryq-murajaılardy aralap, iri óndiris oryndarynyń jumysymen tanys bolady.
- 2012 jyldan bastap elimizde júzege asyrylyp kele jatqan bul joba – oqýshylarǵa tanymdyq bilimderin shyńdaýǵa, ǵylymı jobalaryn praktıkalyq negizde ázirleýge múmkindik beredi. Jyl saıyn mekteparalyq baıqaýlarda, olımpıadalar men jarystarda jeńimpaz atanǵan oqýshylar elimizdiń ár óńirlerine ólketaný-zertteý ekspedıııasyna joldama alady, - dedi Óskemen qalasyndaǵy hımııa-bıologııa baǵytyndaǵy Nazarbaev Zııatkerlik mektebiniń dırektory Jupat Ernııazova.
Birinshi kúni ekspedıııa músheleri Óskemen qalasyndaǵy «Azııa Avto» kásipornynda bolyp, «Aqbaýyr» tarıhı-arheologııalyq keshenine tanymdyq jolsapar jasady. – Men Óskemen qalasyna alǵash ret kelip turmyn. Osy ekspedıııa quramynda bolǵanyma óte qýanyshtymyn. Ǵylymı jumysym mashına qurastyrý salasyna baılanysty bolǵandyqtan, elimizdegi iri mashına jasaý zaýyty «Azııa Avto» kásipornynyń jumysyn kórip, ózime qajet tehnıkalyq, aqparattyq-tanymdyq málimet aldym,- dedi Shymkent qalasynyń 9 synyp oqýshysy Seıtek Baınazar.
Aldaǵy kúnderi oqýshylar jetekshilerimen birge «Abaı-Shákárim» memorııaldyq kesheninde, iri agroónerkásip sharýashylyqtarynda bolyp, balyq aýlaý jáne bal ortalyqtarynyń jumysymen tanysady.
"Adyrna" ulttyq portaly
