"RÝH MARAFON" spartakıadasy aıasynda bizdiń sporttyq týrnırler jalǵasýda.
Búgin Qazaqstan Ústel tennısi federaııasynyń bazasynda ústel tennısinen jarystar ótti. Almaty qalasynyń jastar saıasatyn damytý memlekettik qory, balalar tennısin damytý, jas talanttardy arttyrý jáne osy sport túrin tanymal etý maqsatynda, Almaty qalasynyń demalys ortalyqtarynyń komandalary arasynda ústel tennısinen týrnır ótkizý týraly sheshim qabyldady.
Ústel tennısi-barshaǵa arnalǵan sport! Búgin bul ár jastaǵy, daǵdylary men ár túrli dene múmkindikteri bar adamdar birge oınaı alatyn eń qoljetimdi oıyn. Almaty qalasynyń sport zaldary, sońǵy, jańa sport jabdyqtarymen qamtylǵan, al bul sportta yńǵaıly oıynǵa ákeletin óte mańyzdy jaı. Sondyqtan da jastar osy sport túrimen aınalysýǵa umtylady.
Týrnırge Almaty qalasynyń barlyq aýla klýbtary qatysty.
Balalar jarysqa daıyndalǵanyn, olardyń sporttyq tabandylyǵy sezilip, Jeńis týraly bir ǵana oıdan kózderinde ot janǵanyn aıtty. Jarysqa ústel tennısi federaııasynyń kásibı tóreshileri qatysyp, týrnırdiń barlyq qatysýshylaryna obektıvti baǵa berdi. Balalardy 2 jas kategorııasyna bólindi: 1-shi – 11-13 jas jáne 2-shi – 14-16 jas. Týrnır kestesiniń qorytyndysy boıynsha, kishi lıgadaǵy búgingi jarystardyń jeńimpazdary kelesi demalys ortalyqtary boldy: 1 oryn alǵan "Apelsın" komandasy, 2 oryn alǵan "Veselye notkı" aýla klýby jáne 3 oryn alǵan "Atamura" komandasy. Joǵary lıgada "Suńqar" komandasy - 1 oryn, "Barys" aýla klýby - 2 oryn jáne 3 oryndy "Jas Óren"komandasy.
Jeńimpazdar gramotalar, kýboktar jáne medaldarmen marapattaldy.
Oıyn barysynda uıymdastyrýshylar Maxi shaıdyń salqyn sýsyndaryn demeýshi atynan taratty. Galanz Bottlers demeýshiler retinde óz ónimderin de neshe ret usyndy.
"Adyrna" ulttyq portaly
