Pavlodar oblysynda aýa raıynyń qolaısyzdyǵynan bolǵan apattan tórt adam qaza tapty, dep habarlaıdy «Adyrna» ulttyq portaly.
Qaıǵyly oqıǵa Pavlodar oblysy Tereńkól aýylynan 25 shaqyrym jerde boldy. Instagram jelisinde jarııalanǵan vıdeoda eki kóliktiń betpe-bet soqtyǵysqany kórsetilgen.
«29 jeltoqsan kúni saǵat 17:58-de jedel járdem bólimine qońyraý tústi. Tas jolda eki kólik soqtyǵysty. Oqıǵa ornyna dereý Baıǵus aýylynyń medıınalyq qyzmetkerleri men jedel járdem brıgadasy shyqty», - dep habarlady Pavlodar oblysynyń densaýlyq saqtaý basqarmasynan.
Vedomstvonyń habarlaýynsha, 11 mınýttan keıin dárigerler oqıǵa ornynda bolǵan. Alaıda zardap shekkenderdiń barlyǵy qaıtys boldy.
«Shamamen 20-30, 40 jáne 40-45 jastaǵy azııalyq kelbeti bar tórt er adamnyń ólimi rastaldy», - dep habarlady vedomstvodan.
Kýágerlerdiń aıtýynsha, jol apaty kezinde tas jolda qatty jel soqqan.
Aıta keteıik, 29 jeltoqsanda qarly boran men kóktaıǵaq saldarynan respýblıkalyq mańyzy bar Astana – Ereımentaý – Shiderti, Qyzylorda – Pavlodar, sondaı-aq Shiderti – Qaraǵandy baǵytyndaǵy birneshe ýchaskede kólik qozǵalysy jabyldy. «Qazgıdromet» RMK Pavlodar oblystyq fılıalynyń málimetinshe, 30 jeltoqsanda Pavlodar oblysynyń soltústigi men shyǵysynda qarly boran soǵady. Ońtústik-batystan soǵatyn jel sekýndyna 15-20 metr. Júrgizýshiler múmkindiginshe eldi mekenderden tys jerlerge shyqpaýyn suraıdy.
«Adyrna» ulttyq portaly
