Pavlodar oblysynda aua raiynyŋ qolaisyzdyǧynan bolǧan apattan tört adam qaza tapty, dep habarlaidy «Adyrna» ūlttyq portaly.
Qaiǧyly oqiǧa Pavlodar oblysy Tereŋköl auylynan 25 şaqyrym jerde boldy. Instagram jelısınde jariialanǧan videoda ekı kölıktıŋ betpe-bet soqtyǧysqany körsetılgen. «29 jeltoqsan künı saǧat 17:58-de jedel järdem bölımıne qoŋyrau tüstı. Tas jolda ekı kölık soqtyǧysty. Oqiǧa ornyna dereu Baiǧūs auylynyŋ medisinalyq qyzmetkerlerı men jedel järdem brigadasy şyqty», - dep habarlady Pavlodar oblysynyŋ densaulyq saqtau basqarmasynan. Vedomstvonyŋ habarlauynşa, 11 minuttan keiın därıgerler oqiǧa ornynda bolǧan. Alaida zardap şekkenderdıŋ barlyǧy qaitys boldy. «Şamamen 20-30, 40 jäne 40-45 jastaǧy aziialyq kelbetı bar tört er adamnyŋ ölımı rastaldy», - dep habarlady vedomstvodan. Kuägerlerdıŋ aituynşa, jol apaty kezınde tas jolda qatty jel soqqan. Aita keteiık, 29 jeltoqsanda qarly boran men köktaiǧaq saldarynan respublikalyq maŋyzy bar Astana – Ereimentau – Şıdertı, Qyzylorda – Pavlodar, sondai-aq Şıdertı – Qaraǧandy baǧytyndaǧy bırneşe uchaskede kölık qozǧalysy jabyldy. «Qazgidromet» RMK Pavlodar oblystyq filialynyŋ mälımetınşe, 30 jeltoqsanda Pavlodar oblysynyŋ soltüstıgı men şyǧysynda qarly boran soǧady. Oŋtüstık-batystan soǧatyn jel sekundyna 15-20 metr. Jürgızuşıler mümkındıgınşe eldı mekenderden tys jerlerge şyqpauyn sūraidy.«Adyrna» ūlttyq portaly
Ūqsas jaŋalyqtar
