Elordada «AMANAT» partiiasynyŋ qoldauymen Ūlttyq sport qauymdastyǧy ūiymdastyrǧan «Altyn tūǧyr – 2023» ūlttyq sport üzdıkterın marapattau räsımı öttı. Osymen onynşy ret ūiymdastyrylǧan saltanatty ıs-şarada el ışınde, halyqaralyq jarystarda top jarǧan sportşylarǧa qūrmet körsetıldı.
Aldymen Mäjılıs Spikerı, «AMANAT» partiiasynyŋ Töraǧasy Erlan Qoşanov Prezident Qasym-Jomart Toqaevtyŋ «Altyn tūǧyr» syilyǧymen marapattau räsımıne qatysuşylarǧa joldaǧan qūttyqtau sözın oqyp berdı.
«Būl – ūlttyŋ keleşegı, ūrpaqtyŋ tärbiesı üşın airyqşa mänı bar oqiǧa. Töl önerımızde qazaqtyŋ tarihy, mädenietı, ädet-ǧūrpy men salt-dästürı tügel körınıs tapqan. Ūlttyq oiyndarymyz halqymyzdyŋ otanşyldyq, adaldyq, jauapkerşılık, qaisarlyq, eptılık siiaqty qasietterınıŋ ūrpaqtan ūrpaqqa jalǧasuyna septıgın tigızıp keledı. Ūly dalany dübırletken köşpendıler mädenietın zaman talabyna sai beiımdep, jaŋǧyrtu ūltymyzdyŋ bolmysyn jäne bıregeilıgın saqtauǧa yqpal etedı. Osy oraida ūlttyq oiyndarǧa janaşyrlyq tanytyp, ony därıptep jürgen azamattarǧa şynaiy rizaşylyǧymdy bıldıremın», – delıngen Memleket basşysynyŋ qūttyqtauynda.
Öz sözınde partiia Töraǧasy memleket sport salasyn örkendetuge meilınşe nazar audaryp, qamqorlyq tanytyp kele jatqanyn atap öttı.
«AMANAT» partiiasy da ūlttyq qūndylyqtarymyzdy, ūlttyq sportymyzdy jaŋǧyrtyp, damytuǧa barynşa qoldau körsetıp keledı. Tıptı, Partiianyŋ tūǧyrnamasy men Sailaualdy baǧdarlamasynda būl sala negızgı basymdyq retınde körsetılgen. Bügıngı «Altyn tūǧyr» baiqauy da bızdıŋ partiiamyzdyŋ qoldauymen ūiymdastyrylyp otyr. Ūlttyq sport degenımız – qazaqtyŋ jany, qazaqtyŋ ruhy. Al oǧan qamqorlyq jasau halqymyzdyŋ aldyndaǧy perzenttık boryşymyz dep bılemın», – dedı Erlan Qoşanov.
Sondai-aq, ol kelesı jyly elımızde ötetın Besınşı Düniejüzılık köşpendıler oiynyn ūlttyq ruhymyzdy köteretın tarihi oqiǧa ekenın aityp, 100-den asa memlekettıŋ sportşylary bas qosatyn älemdık dodanyŋ tabysty ötetınıne senım bıldırdı.
Marapattau räsımınde Turizm jäne sport ministrı Ermek Marjyqpaev, Astana qalasynyŋ äkımı Jeŋıs Qasymbek jäne Ūlttyq sport qauymdastyǧynyŋ prezidentı İslambek Saljanovsöz söilep, jeŋımpazdarǧa ūlttyq syilyqty tabys ettı.
Osylaişa, «Altyn tūǧyr» ūlttyq syilyǧy «Kökpar», «Bäige», «Dästürlı sadaq atu», «Audaryspaq», «Jamby atu», «Teŋge ılu», «Asyq atu», «Toǧyzqūmalaq», «Qūsbegı» jäne «JORYQ» syndy 10 atalym boiynşa üzdık sport saŋlaqtaryna berıldı.
Atap aitqanda, «Kökpar» atalymy boiynşa syilyqty Qazaqstannyŋ 13 dürkın chempiony, halyqaralyq turnirlerdıŋ jeŋımpazy «Äulie ata» kökpar komandasy ielendı.
«Audaryspaq» atalymynda syilyqqa 70 kelı salmaqta tūŋǧyş Älem chempiony Mūhametjan Sailau laiyq dep tanyldy.
«Jamby atu» atalymynda Qazaqstan chempiony, Älem kubogınıŋ kümıs jüldegerı, Jastar arasyndaǧy Älem chempiony Batyr Beksauyt marapattaldy.
«Teŋge ılu» atalymy boiynşa syilyq Aziia jäne Qazaqstan chempiony Beknūr Serıkovkebūiyrdy.
«Asyq atu» atalymynda syilyqty Qazaqstan jäne Europa Kubogınıŋ iegerı, Ūlttyq sport türlerı festivalınıŋ jeŋımpazy Pavlodar oblysynyŋ qūrama komandasy aldy.
«Dästürlı sadaq atu» atalymy boiynşa Älem Kubogınıŋ ekı dürkın, Qazaqstannyŋ üş dürkın chempiony Aiaulym Appazova marapattaldy.
«Toǧyzqūmalaq» atalymy boiynşa syilyq Aziia chempiony Janat Qaimoldinge tabystaldy.
«JORYQ» atalymy boiynşa syilyqty «Ūly dala joryǧy – 2023» marafon-bäigesınıŋ jeŋımpazy Jetısu oblysynyŋ komandasy ielendı.
«Qūsbegı» atalymy boiynşa syilyqty halyqaralyq turnirdıŋ jeŋımpazy Armanbek Küntuǧan aldy.
«Bäige» atalymy boiynşa syilyq respublikalyq turnirlerdıŋ bırneşe dürkın jeŋımpazy Bekzat Dıldahan jäne «Sekret» esımdı tūlparǧa berıldı.
