Memleket basşysy Astana qalasyndaǧy №96 mektep-gimnaziiany aralap kördı. Būl turaly Aqorda jazdy, dep habarlaidy «Adyrna» tılşısı.
Prezidentke bılım oşaǧyndaǧy oqu-tärbie jūmystarynyŋ barysy tanystyryldy. Būl mektep jemqorlardan tärkılengen qarjyǧa salyndy. Biyl paidalanuǧa berılgen gimnaziia elordanyŋ sol jaǧalauyndaǧy basqa mektepterdıŋ jüktemesın azaituǧa septıgın tigızdı. Qazır mūnda 1466 oquşy bılım alady.
Qasym-Jomart Toqaevqa qoǧamdyq-gumanitarlyq baǧytta bılım beretın mektep-gimnaziianyŋ oqu üderısı turaly baiandaldy. Oquşylarǧa aǧylşyn, fransuz tılderımen qatar, qytai tılı de oqytylady.
Prezident №96 mektep-gimnaziianyŋ pedagogikalyq ūjymymen jüzdesıp, memleket ūstazdardyŋ märtebesın odan ärı köterudı jalǧastyra beretının aitty.
Būdan bölek, Memleket basşysyna elordanyŋ bılım beru jüiesı jaiynda baiandaldy. Astana qalalyq Bılım basqarmasynyŋ basşysy Qasymhan Senǧazyev biyl 16 myŋ oquşyǧa arnalǧan 12 mekteptı paidalanuǧa beru josparlanyp otyrǧanyn jetkızdı. Bügınge deiın 7 mektep aşylǧan. Jyl soŋyna deiın taǧy 5 jaŋa mektep ıske qosylmaq.
