Jambyldyq sportshylar Túrkistan qalasynda sambodan sport sheberleri arasyndaǵy Qazaqstan Respýblıkasynyń kezekti chempıonatynda júldemen oraldy, – dep habarlaıdy “ZhambylNews” Aqparattyq Agenttigi.
Taraz komandasynyń quramynda «Bınom» jaýapkershiligi shekteýli seriktestiginiń qyzmetkerleri de boldy. 100 kelige deıingi salmaq dárejesinde «Bınom» JShS qaýipsizdik qyzmetiniń bastyǵy Nurjan Rysbaev qola júldeni ıelendi. 82 kelige deıingi salmaq dárejesinde 3-shi orynǵa «Bınom» jaýapkershiligi shekteýli seriktestiginiń elektrgazben dánekerleýshisi Murat Narbotaev taban tiredi.
Bas dırektor Serik Oljabekov bastaǵan «Bınom» JShS qyzmetkerleri qazirgi zamanǵy turǵyn úılerdiń qurylysymen aınalysýmen qatar, sporttyq dodada da qala namysyn laıyqty qorǵaıtynyn óz jetistikterimen dáleldedi.
