Eks-prezidenttıŋ resmi saity jariialaǧandai, Nūrsūltan Nazarbaev «Astana klubynyŋ» plenarlyq otyrysyna qatysty, dep habarlaidy «Adyrna» ūlttyq portaly.
Nazarbaev otyrysta el bolaşaǧy men öskeleŋ ūrpaqtyŋ keleşegıne alaŋdaitynyn jetkızıp, iadrolyq qarudy taratpau jäne qarusyzdanu mäselesıne iadrolyq qaruǧa qarsy qozǧalystyŋ barlyq qatysuşylaryn belsene atsalysuǧa şaqyrdy. – Özderıŋız bılesızder, men 2019 jyly nauryz aiynda öz erkımmen Qazaqstan Prezidenttıgınen kettım, qazır eşqandai lauazym atqarmaimyn. Alaida, sanaly ǧūmyryn elıne qyzmet etuge arnaǧan, qaşanda maŋyzdy oqiǧalardyŋ ortasynda jürgen adam retınde özımız, balalarymyz ben nemerelerımız ömır süretın älemnıŋ jai-küiıne, bolaşaǧyna ärkez alaŋdaimyn. Jahandyq qaqtyǧystyŋ aldyn alu üşın älemdık saiasatta dialog qūrudan basqa jol joq ekenıne senımdımın, – dedı N.Nazarbaev. Öz sözınde eks-basşy älemdık daǧdarystar men sonyŋ aiqyn körınısı retınde bırneşe tarihi oqiǧalardy tılge tiek ettı. Sondai-aq jaqynda tūsauy kesılgen kıtabynyŋ aǧylşyn tılıne audaruǧa ūsynys tüsıp jatqanyn da atap öttı. – Jalpy, keiıngı ondaǧan jyl ışınde Qazaqstan köptegen daǧdarystyŋ sättı şeşıluıne däneker boldy. Onyŋ bärın bır kezdesu aiasynda qamtu mümkın emes. Soŋǧy 30 jylda syrtqy saiasatta bolǧan eŋ auqymdy oqiǧalar turaly tolyǧyraq menıŋ jeltoqsan aiynyŋ basynda jariialanǧan estelıkterımde jan-jaqty aityldy. Būl eŋbek ülken qyzyǧuşylyq tudyrdy, şeteldık baspalardan da ony aǧylşyn tılıne audaruǧa ūsynystar tüsıp jatyr. Kıtap jaqyn arada jahandyq auditoriiaǧa jetedı dep oilaimyn, – dedı N.Nazarbaev. Esterıŋızge sala keteiık, eks-prezident soŋǧy ret el aldyna ınısı Bolat Nazarbaev qaitys bolǧanda şyqqan bolatyn.«Adyrna» ūlttyq portaly
Ūqsas jaŋalyqtar
