Qazaq köşpendılerınıŋ HIX-XX ǧasyrlarda paidalanǧan zergerlık būiymdary, at äbzelderı, tūrmystyq zattary men muzykalyq aspaptary, jalpy qazaq elınıŋ tarihy men bügını İtaliiada ülken rezonans tudyrdy. Neapoldaǧy Castel Nuovo saraiynda Almaty tarihy muzeiı «Qazaqstan köşpendılerı: tarihy men bügını» halyqaralyq körmesın ūiymdastyrdy.
Ony 10 myŋnan astam qala jūrty men turist kelıp tamaşalaǧan. Endı qabyldauşy tarap osyndai körmenı İtaliianyŋ basqa qalalarynda da ötkızudı sūrap otyr. Jergılıktı BAQ ökılderı qazaq halqynyŋ mädenietı men muzei qorynyŋ bai kolleksiiasy körmege keluşılerdı taŋ qaldyrǧanyn jarysa jazyp jatyr.
Körme barysynda Almaty qalasy Mädeniet basqarmasynyŋ basşysy Ǧani Mailybaev pen Qazaqstan Respublikasynyŋ İtaliiadaǧy Qūrmettı konsuly Valentina Massanyŋ kezdesuı öttı, sonymen qatar Almaty qalasynan kelgen delegasiiany Neapol qalasynyŋ merı Gaetano Manfredi qabyldady. Taraptar Almaty men Neapol arasyndaǧy ekıjaqty mädeni yntymaqtastyqty ärı qarai damytu jäne aldaǧy uaqytta bırlesıp körmeler men festivalder ötkızu mümkındıgın talqylady.
«Būl Ūly dala elı köşpendıler turaly qyzyqty körme ūiymdastyryp, özı turaly jahanǧa jar saldy. Jalpy Qazaqstannyŋ tarihy barlyq Orta Aziianyŋ damuyn tüsınu üşın öte maŋyzdy. Bız bırlesken ıs-şaralar ūiymdastyryp barynşa qoldau körsetuge daiynbyz», – dep atap öttı Qazaqstan Respublikasynyŋ İtaliiadaǧy Qūrmettı konsuly Valentina Massa.
Aita ketu kerek, körme keluşılerdı 14 jeltoqsanǧa deiın qabyldaidy jäne kelesı taqyryptyq baǧyttar boiynşa şamamen 140 muzei eksponatyn ūsynyp otyr: dästürlı kiız üi bezendıru, at äbzelderı, tūrmystyq zattar, zergerlık būiymdar, muzykalyq aspaptar.
«Almaty qalasynyŋ muzeilerı qala basşylyǧynyŋ qoldauymen halyqaralyq deŋgeide qazaq tarihyn, mädenietı men dästürın, jalpy el filosofiiasyn tanystyryp, nasihattau boiynşa belsendı jūmys atqaryp keledı. Qazır körmenı İtaliiada qanşalyqty jaqsy qabyldaǧanyn körıp otyrmyz, sondyqtan osy eldegı ärıptesterımızge alǧys bıldırımız. Endı jyl soŋyna deiın Venada da osyndai ülken körme ūiymdastyrudy josparlap otyrmyz», – dep atap öttı Almaty qalasy Mädeniet basqarmasynyŋ basşysy Ǧani Mailybaev.
Körmenı tamaşalaǧan jergılıktı tūrǧyndar, sonyŋ ışınde İtaliianyŋ BAQ ökılderı «Qazaqtar – ǧasyrlar boiy dästürın nyǧaita otyryp, tamyryn tanyp-bılu arqyly mädenietın baiytqan asqaq halyq»; «Şyn mänınde, Almaty HIII ǧasyrlarda Ūly Jıbek joly torabyndaǧy maŋyzdy sauda ortalyǧy boldy, maŋyzdy röl atqardy»; «Paidaly qasietterı men qūndylyǧy joǧary «zerger» dep atalatyn tamaşa kümıs äşekeilerdı, sondai-aq aŋyzǧa ainalǧan ruhani tarihy mol dombyra, jetıgen jäne qobyz siiaqty köne muzykalyq aspaptardy mūqiiat qarastyrǧan jön» dep jazǧan.
Almaty qalasy Mädeniet basqarmasy
