Qostanaidaǧy aulalardyŋ bırınde salynyp jatqan 19 qabatty jaŋa üidıŋ qūrylysy keiınge şegerıldı, dep habarlaidy «Adyrna» ūlttyq portaly «Naşa gazeta» saityna sılteme jasap.
Beinejazbada Qostanai oblysy äkımınıŋ orynbasary Erlan Spanov, Qostanai qalasy äkımınıŋ mındetın atqaruşy Almat İsmaǧūlov, «NurComBuilding» JŞS direktory İvan Marar men öz aulasynda tūrǧyn üi keşenınıŋ salynuyna qarsylyq bıldırgen üi tūrǧyndarynyŋ kezdesuı tüsırılgen. Qūrylys kompaniiasynyŋ basşysy «Elena i D» kompaniiasyna tiesılı jerde 19 qabatty ǧimarat ta, basqa da tūrǧyn üi salmaitynyn habarlady. Qala äkımdıgı tūrǧyndarǧa qūrylys saluşy kompaniiamen bırlesıp osy uchaskenıŋ bolaşaq taǧdyry boiynşa basqa da ūsynystardy qarastyratynyn habarlady. Nazarbaev köşesındegı №137/1 üidıŋ tūrǧyndary osy jerge memlekettık tıldı damytu ortalyǧy nemese sport zalyn salu turaly ūsynystaryn bıldırdı. Būǧan deiın Qostanai qalasynyŋ äkımı Marat Jündıbaev qūrylys krany qūlaǧan jerge jaqyn maŋdaǧy üilerdıŋ tūrǧyndarymen kezdesuınde osy audan men jer uchaskesınde salynyp jatqan qūrylysty eskere otyryp, qala äkımdıgınıŋ 19 qabatty tūrǧyn üidıŋ qūrylysyn qoldamaitynyn aitqan bolatyn. Eske sala keteiık, Qostanaida köpqabatty üidıŋ qūrylys alaŋynda kran opyrylyp qūlap, saldarynan 49 jastaǧy kran jürgızuşısı oqiǧa ornynda köz jūmdy. Qaiǧyly oqiǧa 30 qaraşa künı saǧat 12:50-de Şaiahmetov köşesınde bolǧan.«Adyrna» ūlttyq portaly
