Almatydaǧy jataqhanadaǧy örtten qaza tapqan 20 jastaǧy Beibarys Äldıbek Türkıstan oblysynda jerlendı, dep habarlaidy «Adyrna» ūlttyq portaly» KTK telearnasyna sılteme jasap.
Telearnanyŋ habarlauynşa, jıgıt osydan üş ai būryn mügedek ata-anasynyŋ üiıne jöndeu jūmystaryna aqşa tabu üşın Almatyǧa jūmys ısteuge ketken. Qaiǧyly oqiǧa bolǧan künı Beibarys ata-anasyna keluı kerek edı, bıraq olardyŋ aituy boiynşa, jıgıttıŋ jalaqysy keşıktırılıp, qalyp qoiǧan. Jas jıgıt bır kün būryn Şymkentten 100 şaqyrym jerdegı tuǧan jerı Syntas auylynda jerlendı. Beibarys otbasyndaǧy tört ūldyŋ kenjesı. Jıgıttıŋ äkesı men anasynyŋ estu qabıletı naşar. Jergılıktı bilık olarǧa tegın gaz jäne ūlynyŋ ölımı üşın ötemaqy töleuge uäde berdı. Bıraq Beibarystyŋ otbasy qaiǧyly oqiǧaǧa kınälılerdıŋ jazalanǧanyn ǧana qalaidy. Qaza tapqandardyŋ tuystary jataqhana qojaiyndary ǧana emes, olardyŋ qyzmetın baqylauǧa alǧandardyŋ da barynşa jazalanuyn talap etude.
«Bärı arzanyraq baspana ızdeidı, bıraq jaǧdaidy da qadaǧalau kerek! Qalypty jaǧdaida mūndai qaiǧyly oqiǧa bolmas edı. On üş jıgıt qaitys boldy, bärı jas, ne degen sūmdyq! Jataqhana iesı jäne ony basqaratyn adamdar da jauapty bolsyn!» – deidı marqūm jıgıttıŋ aǧasy İsa Nälıbaev.
Būǧan deiın QR Bas prokuraturasy ört saldarynan 13 adam qaza tapqan jataqhanany jalǧa aluşynyŋ ūstalǧanyn habarlaǧan bolatyn. Küdıktı uaqytşa ūstau izoliatoryna qamaldy. Qadaǧalau organy sonymen qatar tergeu aiasynda jataqhana jūmysyna qatysy bar barlyq tūlǧalardyŋ äreketı qadaǧalanatynyn atap öttı.
«Adyrna» ūlttyq portaly
Ūqsas jaŋalyqtar
