Sondaı-aq, analardyń biri "2019-jyldyń 31-mamyr kúni Temırıazov pen Jorokov kósheleriniń qıylysynda ornalasqan Turǵyn úı basqarmasy mańynda Sáýle meni mıtıngke shyǵýǵa úgittedi. Eger mıtıngke shyqsań saǵan úı máselesin sheship beremin dep aıtty" dep shaǵym túsirgen. Ázirge aryzdanýshylardyń arasynda Uljalǵas Satqynbekova degen kelinshektiń ǵana esimi belgili bolyp otyr.
Biz bul jaǵdaıǵa qatysty Sáýle Ábildahanqyzy men onyń advokaty Abzal Quspan myrzanyń pikirin bilgen edik.
Sáýle Ábildahanqyzy, jýrnalıst: “Bul kúshtik qurylymdardyń qoldan uıymdastyryp otyrǵan jalasy”
- Bul tap-taza jala. Bul kúshtik qurylymdardyń maǵan qarsy qoldan uıymdastyryp otyrǵan dúnıesi. Jáne de analardyń saǵyn syndyrý úshin bar oılap tapqan tásilderi. Onyń ústine men “Qosanovty qoldaıyq”, “Azamatttyq qoǵam quraıyq” dep halyqqa kóbirek úndeý jasap júrmin ǵoı. Meniń sondaı pozıııam arqyly halyq oıanyp ketpesin, osy halyqty túrtip, oıatyp júr, osy bireýdiń aýzyn jabaıyq degen-aý shamasy. Iaǵnı, bul qoldan uıymdastyryp, jasap otyrǵan qıturqy áreketi.
Uljalǵas Satqynbekova degen adamdy ómirimde kórgen emespin, tanymaıtyn, bilmeıtin adam. Ol da polıeılerdiń ádeıi uıymdastyryp otyrǵan óz adamy dep esepteımin.
Men eshqashan bireýden bir tıyn alǵan emespin. Jaǵdaıy tómen 5 anany tikeleı efırge shyǵaryp, “Bul analardyń kartochkalary joq eken. Osylarǵa kómektesemin degenderiń meniń kartama aqsha aýdarýǵa bolady” dedim. Biraq, ol kisilerge aýdarylǵan aqsha kartochkada tur. Qansha túskeni de, men kimge qansha artyǵymen kómekteskenim de tur. Sondyqtan, ol túsken aqshanyń árbir tıyny úshin esep bere alamyn. Al, basqa eshqashan eshkimnen ózim úshin bir tıyn alǵan joqpyn. Almaımyn da. Men eki balamen jalǵyz, jesir qalyp, bir úzim nan, jeıtin tamaq tappaı otyrǵan kezde de eshkimge alaqan jaıǵan emespin. Ol meniń azamattyq ar-ojdanyma, ómirlik prınıpterime, qaǵıdalaryma jat nárse.
Al, meniń analardy ashyq mıtıngke shaqyrǵanymdy dáleldesin. Ol da ótirik, jala.
Abzal Quspan, zańger: “Men Sáýleni jalanyń qurbany qylyp qarap otyra almaımyn”.
- Bul baryp turǵan - provakaııa. Bıliktiń qoldan uıymdastyryp otyrǵan sharasy. Ókinishke qaraı, bizdiń quqyq qorǵaý organdary mundaı ispen óte jıi aınalysady. Osyndaı qoldan uıymdastyrylǵan is-sharalardy toqtatpaıtyn bolsaq, biz eshqashan el bolmaımyz. Muny talaı jerde aıtqanmyn.
Sáýleniń aıtyp júrgen syn-pikirleriniń barlyǵy damyǵan, órkenıetti elderde qalypty jaǵdaı. Eshkim bul memleketke rıza bolýǵa mindetti emes. Bul syn-pikirge baılanysty tek, Qazaqstan sııaqty damymaı qalǵan mesheý elderde bolatyn reakııa.
Sáýle qandaı zańsyz iske bardy? Iá, qoǵamda osyndaı zańsyzdyqtar jalǵasa beretin bolsa, mıtıngke shyǵamyn dedi. Biraq, eshkimdi mıtıngke shaqyrǵan joq. Soǵan bola adamdardan aryz jınap alyp uıymdastyrýdyń túk te qıyndyǵy joq. Onyń chatynda 70 myńnan astam ana otyrdy. 70 myńnyń ishinen 7 adam taýyp, ótirik aryz uıymdastyrý olar úshin túk emes. Bizdiń adamdar ókinishke qaraı, osyndaı ótirikterge jıi barady. Biz jala jabýǵa bolmaıtynyn túsinbeı kele jatyrmyz. Biraq, aınalyp kelgende sol adamdardyń ózderi zardap shegedi. Erteń sol aryz jazǵandardyń ózderiniń balalary solaı isti bolady. Sondyqtan, biz bireýdiń obalyna qalýǵa bolmaıtynyn túsinýge tıispiz.
Bizde kez-kelgen adamǵa jala japqyzyp, halyqtyń aldynda bedeli men tanymaldyǵy artyp bara jatqan adamdarǵa osyndaı las áreketter qoldanady. Muny polıııa da, quqyq qorǵaý organdary da ony jaqsy biledi.
Men ózim Jańaózen sotyna qatysqan kezimde, maǵan qaıta-qaıta polıııa tarapynan eskertý jasalǵan. 74 jábirlenýshini jalǵyz ózim qorǵap jatqanda “kelmeı-aq qoı” degen sms-ter, telefonmen habarlar túsken. Sol kezde bir áıel meniń ústimnen “Abzal Quspanov meni zorlaǵysy keldi” dep aryz jazǵan. Meni sol úshin advokat basymmen sottap jibere jazdaǵan. Sondyqtan talaı adamdy qorǵap júrgen advokat retinde mundaı jaǵdaılar maǵan jaqsy tanys. Jáne, Sáýleniń qandaı adam ekenin de jaqsy bilemin. Sondyqtan, munyń 100 paıyz jala ekenin tolyq senimmen aıta alamyn!
Men qazir Astanada bir úlken istiń aıasynan shyǵa almaı jatyrmyn. Biraq, Sáýlemen baılanystamyn. Baılanysta bola beremin. Mindetti túrde bul iske aralasamyn!
Men Sáýleni jalanyń qurbany qylyp qarap otyra almaımyn!
Biz atalǵan jaǵdaıǵa baılanysty Almaty qalalyq Ishki Ister Departamentine birneshe ret habarlasqan edik. Alaıda, olarmen baılanysý múmkin bolmady. Aldaǵy ýaqytta bul iske qatysty IID niń de resmı jaýabyn jarııalaıtyn bolamyz.
Nurbıke Beksultanqyzy
Abai.kz
