Almatyda «Atakent» kórme ortalyǵynda «Qazaq fotoshejireshileri III: tarıh, derek, óner» fotoenıklopedııasynyń tusaýkeseri ótti, dep habarlaıdy «Adyrna» ulttyq portaly.
Bul jınaq – buryn jaryqqa shyqqan «Qazaq fotoshejireshileri» tizbekti enıklopedııasynyń jalǵasy, úshinshi tom. Biraq bul jolǵy aıyrmashylyq kitap qazaq, aǵylshyn jáne orys tilderinde shyqqan. Kitap «Daryn» baspasynan jaryq kórip otyr. 407 bettik kitaptyń taralymy – 500 dana.
Kitaptyń tusaýkeseri «Uly Jibek jolymen» HI Halyqaralyq kitap jáne polıgrafııa jármeńkesi aıasynda ótkizildi.
Tusaýkeserge qatysqandar osy enıklopedııada jarııalanǵan sýretterdiń kórmesin de tamashalady.
Aıtýly sharaǵa kitaptyń qurastyrýshylary «Fotoóner» qoǵamdyq birlestiginiń tóraǵasy Asylhan Ábdiraıymuly, ál-Farabı atyndaǵy QazUÝ-dyń aǵa oqytýshysy Dáýren Maqsuthanuly bastaǵan qazaqstandyq fotografııa salasynyń mamandary, fotograftar, fotoóner dúnıesiniń janashyrlary jáne kórmege kelgen kópshilik qatysty.
Fotoenıklopedııa qazaqtyń tuńǵysh fotografy Qazaqtyń birtýar aqyny, Jáńgir hannyń nemeresi Sháńgereı Bókeevtiń túsirgen sýretterimen bastalady. Sháńgereı túsirgen fotosýretterden qazir on shaqtysy belgili. Sháńgereı 1901 jyly Peterborǵa saparynan keıin fotoónermen aınalysqan.
Fotoenıklopedııanyń osy tomynda Sháńgereıden basqa búgingi fotograftar: Qalıǵumar Qabdeshuly, Sabyrjan Qusaıynov, Esimhan Orynbaev, Asylhan Júsiptegi, Farhad Qabdyqaıyrov, Serik Muqyshuly, Marat Júnisbekov, Ońǵarbek Alharov, Jeńis Ysqabaı, Tileýbek Shaıahmet, Erlan Omarov, Dýman Qurmanǵalıev, Baýyrjan Jýasbaev, Maqsat Shaǵyrbaı, Áıgerim Begimbet, Dosjan Balabekuly jáne Meıirbek Tájkýranovtyń úzdik týyndylary jarııalanǵan.
Kitaptyń ekinshi taraýy «Fotoóner jáne ǵylym» dep atalsa, úshinshi taraýy «Fotoóner» qoǵamdyq birlestiginiń jobalaryna arnalǵan.
Kitap tusaýkeserinde ardager fototilshi Qalıǵumar Qabdeshuly, Sháńgereı Bókeevtiń urpaǵy Sholpanaı Amanjolova, ál-Farabı atyndaǵy QazUÝ-degi jýrnalıstıka fakýltetiniń kafedra meńgerýshisi Aıgúl Ramazanova jáne kitap palatasynyń dırektory Ádil Qoıtanov sóılep, Qazaqstan qoǵamynda baǵalanbaı kele jatqan osy salanyń sheberlerine sáttilik tiledi.
Shara barysynda «Fotoóner» birlestigi fotoenıklopedııanyń demeýshileri men onyń jaryqqa shyǵýyna eleýli úles qosqan mamandardy arnaıy gramota, alǵys-hattarmen marapattady.
