Prezıdent Qasym-Jomart Toqaev Almaty qalasynyń ákimi Erbolat Dosaevty qabyldady. Memleket basshysyna qala ekonomıkasynyń qarqyndy ósip kele jatqany jóninde málimet berildi.
Prezıdentke qala ekonomıkasynyń qarqyndy ósip kele jatqany, qysqa merzimdi ekonomıkalyq ındıkator jyl basynan beri 13,5 paıyzǵa kóterilgeni jóninde málimet berildi. Óńdeý ónerkásibiniń damý qarqyny (+21%) boıynsha Almaty elimizde turaqty túrde birinshi orynda keledi. Megapolıs ekonomıkasyna 1 trıllıon teńgeden astam ınvestıııa tartyldy. Bul rette jeke ınvestıııalardyń ósimi 7,3 paıyzdy qurady. Belsendi jumys istep turǵan shaǵyn jáne orta bıznes sýbektileriniń sany 341 myńǵa deıin jetip, 25,8 paıyzǵa artty. Respýblıkalyq bıýdjettiń túsimi 38,4 paıyzǵa ósip, 3,91 trıllıon teńgege deıin jetti. Jergilikti bıýdjettiń túsimine qatysty jospar 28,7 paıyzǵa (243 mlrd teńge) asyra oryndaldy. Jyl basynan beri 58,7 myń jumys orny ashyldy, onyń 77 paıyzy turaqty jumys orny. 2023 jyldyń qorytyndysy boıynsha ekonomıka ósiminiń qarqyny 6,5 paıyzǵa deıin jetedi degen boljam bar.
Kezdesý sońynda Qasym-Jomart Toqaev turǵyndardy sapaly sýmen, sý burý jelilerimen qamtamasyz etý, ınvestıııa tartý jónindegi sharalardy kúsheıtý, sondaı-aq Almaty aglomeraııasymen kólik baılanysyn jaqsartý jónindegi jobalardy odan ári iske asyrýǵa erekshe nazar aýdarýdy tapsyrdy.
