Oqu-aǧartu ministrı Ǧani Beisembaev Qazaqstannyŋ oŋtüstıgınde aşylmaq orys mektepterıne qatysty pıkır bıldırdı, dep habarlaidy «Adyrna» tılşısı.
Aituynşa, oŋtüstık öŋırlerde üş auysymda oqityn mektepter köp ärı mektep jetıspeuşılıgı baiqalady.
«Özderıŋız bıletındei, būl — ülken aimaq. Mūndai jerlerge mektep saluǧa qoldau körsetuımız kerek. «Jaily mektep» ūlttyq jobasy aiasynda belgılı bır qarjy bölınedı, degenmen jetkılıksız bolyp otyr»,- dedı ministr.
Ǧani Beisembaev elımızde orys tılınde oqytylatyn aralas mektepter bar ekenın atap öttı.
«Elımızdegı kez kelgen mektepte Qazaqstannyŋ standarttary qataŋ saqtalady. «Orys mektebı» degen tüsınık joq. Bız köptıldılıktı damytyp jatyrmyz. Balalarymyz bäsekege qabılettı boluy kerek. Bırneşe tıl damytyluy tiıs. Sondyqtan iu, eger fransuz nemese basqa da mektepter aşylyp jatsa, būl saiasatqa äser etedı degen bır fobiia bolmauy kerek»,—dep tüsındırdı ol.
Basqarma basşysy mektepterdıŋ qūrylysyn Resei tarapy qarjylandyratyn aitty.
«Būl mektepterde özımızdıŋ ūstazdar jūmys ısteidı. Al Reseiden maman tartuǧa tyiym salynbaidy. Eger ana tılınde söileitınder fransuz, aǧylşyn tılderın üiretıp jatsa, būl jaqsy emes pe, mūndai täjıribede bar»,—dedı ministr.
Eske salaiyq, būǧan deiın Qazaqstannyŋ oŋtüstıgınde üş orystıldı mektep salynatyny turaly jazǧan edık.
