"Áleýmettik medıınalyq saqtandyrý qory" AQ basqarma tóraǵasynyń orynbasary, dáriger Erık Abenuly dárigerlik keńesin aıtty. Túıeniń zári men as sodasynyń zııanyn mysalǵa keltirdi.
"Túıeniń ne basqa janýardyń zári, adamnyń zári eshqashan adamǵa paıdaly bolmaıdy. Tipti, ol qandaı kıeli bolsa da. Kez kelgen janýardyń zári onyń kereksiz syrtqa shyǵarylǵan dúnıesi. Sonda ony ne úshin ishedi? Ózińizdi, balalaryńyzdy aıańyz. Ony jarnamalaıtyndardyń ózi ishsin. Bizge zárden ýlanǵandar jansaqtaý bólimine kóp túsedi. Osydan keıin qalaı ishýge bolady?", - dedi dáriger.
Ǵalamtorda onkologııalyq aýrýlarǵa qarsy ne basqa da dertke qarsy kóptegen dáriler jarnamalanyp júr. Onyń ishinde as sodasy bar. Alaıda dáriger munyń bárin teriske shyǵardy.
"Qymyz ben shubat paıdaly. Ony profılaktıkalyq em retinde de, ımmýndy júıeni kóterýge de paıdalýǵa da bolady. Alaıda onkologııalyq aýrýlardy, týberkýlezdi emdeı almaısyz. As sodasyn ishkennen, ǵalamtorda shyqqan basqa da dárilerdi ishkennen eshqandaı ǵajaıyp bolmaıdy. Olardyń kózdegeni tek - aqsha. Oǵan senetin adamdar barda, uıalmaı bıznesin júrgizetinder bolady", - dep jazady Erık Abenuly paraqshasynda.
Stan.kz
