Danııar Eleýsinovtiń promoýteri Gennadıı Golovkınmen birge jumys isteıtin Tom Lefflerdi «mendjmenti kásipqoı emes» dep aıyptady, dep habarlaıdy Stan.kz aqparat agenttigi Sport.kz saıtyna silteme jasap.
Danııar Eleýsinovtiń kásipqoı rıngtegi isterimen aınalysatyn amerıkalyq menedjerlik kompanııanyń basshysy Zııa Alıev arada bolyp jatqan daýǵa qatysty pikir bildirdi.
«Birinshiden, Tom bizdiń Gennadıımen habarlasyp otyrǵanymyzdy jaqsy biledi. Gennadıı de jaǵdaıdan habardar. Biraq men ózim sóılesken joqpyn. Ázirge olarmen sóılesken adamnyń atyn atamaı-aq qoıaıyn. Biraq onyń Golovkınge habarlasqanyn anyq bilemin. Lefflerdiń oǵan ne dep jaýap bergenin aıta alamyn. Biraq olaı istegim kelip turǵan joq. Qajet dep sanasańyzdar, Tom Lefflerden kelgen elektrondyq hattardy da kórsete alamyn. Ol óz hatynda Danııardyń ornyna basqa boksshyny usynǵysy keletinin jazdy», - dedi Zııa Alıev.
Ári qaraı ol bar aıyp Danııar Eleýsinovtiń komandasynda emes, Tom Lefflerdiń durys jumys isteı almaıtyndyǵynda ekenin aıtty.
«Árkim óziniń boksshysyn qorǵaıdy. Al Gennadıı onyń boksshysy. Al bizdi kásibı maman emes dep aıyptaǵandary kúlkili. Qolymda Matchroom jelisi arqyly kelgen hat bar. Sizder sony kórińizder. Redakııaǵa usyndym, biraq jarııalanǵanyn qalamaımyn», - dedi ol.
Budan ózge kompanııa basshysy Golovkın men Eleýsinovtiń múldem eki bólek joly bar boksshylar ekenine toqtaldy.
«Tom Golovkınniń óz keshinde Danııar Eleýsinovti kórgisi kelmeıtinin aıtty. SMS habarlamalardy kórseteıin. Árıne, eger Tom buǵan daıyn bolsa. Men olardy kórsetetin bolsam, kimniń shyn sóılep otyrǵany belgili bolady», - dedi Zııa Alıev.
Esterińizge sala ketsek, Gennadıı Golovkın osy ýaqytqa deıin osy keleńsiz jaǵdaıǵa qatysty pikir bildirip, árdaıym Azııadan shyqqan boksshylardy qoldaýǵa daıyn ekenin aıtqan bolatyn.
