Saian Hamitjanov resmi türde «Astana» futbol klubynyŋ bas direktory qyzmetıne oraldy, dep habarlaidy «Adyrna» ūlttyq portaly «Astana» FK saityna sılteme jasap.
Būǧan deiın S.Hamitjanovtyŋ basşylyǧymen astanalyq klub bırneşe ret Qazaqstan chempionatynyŋ altyn jüldegerı atanyp, Chempiondar ligasynyŋ toptyq kezeŋıne, UEFA Europa ligasynyŋ plei-off kezeŋıne şyqqan bolatyn.
Saian Hamitjanovtyŋ aituynşa, ol astanalyq klub basşysy qyzmetın tegın atqarady.
Klubtyŋ bas direktory aldaǧy üş jylda futbol akademiiasy men sporttyq baza qūratynyn nyq senımmen aitty.«Bırınşıden, klubtyŋ qūryltaişylaryna maǧan artqan senımı üşın alǧys bıldırgım keledı, bar küşımdı salyp, aqtauǧa tyrysamyn. Qūryltaişylarmen kelısım boiynşa men basşy retındegı mındetımdı aqysyz negızde atqaramyn. Öitkenı, futbol – ömırdegı eŋ basty hobbiım», - dedı ol.
Eske salsaq, Saian Hamitjanov 2015-2018 jyldar aralyǧynda atalmyş klubtyŋ prezidentı bolǧan. 2018 jyldyŋ 31 jeltoqsanynda eŋbek kelısımşartynyŋ aiaqtaluyna bailanysty ol qyzmetınen ketken edı.«Ärine, öz infraqūrylymymyzdy qūru üşın memleket tarapynan qosymşa qarjylandyru qajet. Bıraq öz kezegınde, kez kelgen jaǧdaida, qandai mäsele bolmasyn, bız aldaǧy üş jylda būl jobalardy jüzege asyratynymyzdy senımdı türde aitqym keledı. Bızde futbol akademiiasy men sport bazasy bolady. «Astana» futbol kluby otandyq futboldyŋ flagmany bola otyryp, barlyq europalyq standarttarǧa säikes keletın jeke infraqūrylymy boluyna äbden laiyq», - deidı S.Hamitjanov.
«Adyrna» ūlttyq portaly
Ūqsas jaŋalyqtar
