Naýryz aıynda ǵana jekpe-jegin ótkizgen Danııar Eleýsinov Golovkın jekpe-jeginiń anderkartynda judyryqtaspaıdy, – dep xabarlaıdy Qsport.kz portaly.Olımpıada chempıony 8 maýsym kúni ótetin Gennadıı Golovkınniń jekpe-jeginiń anderkartynda sharshy alańǵa shyǵý kerek bolǵan. Alaıda Gennadıı Golovkın Eleýsinovti ózi judyryqtasatyn boks keshiniń anderkartynan kórgisi kelmegen. Endi Eleýsinov 25-shi mamyr kúni Okson-Hıll qalasynda (AQSh, Merılend shtaty) ótetin boks keshinde synǵa túsedi.
Esterińizge salaıyq, AQSh-tyń Fıladelfııa qalasynda ótken boks keshinde Danııar Eleýsinov meksıkalyq Sılverıo Ortıspen qolǵap túıistirdi. Segiz raýndqa sozylǵan jekpe-jekte tóreshilerdiń sheshimi boıynsha qazaqstandyq bylǵary qolǵap sheberi jeńiske jetti. Esep — 79-70, 79-71, 79-71. Jetinshi raýndta Danııar Eleýsinov qarsylasyn nokdaýnǵa jiberdi, alaıda meksıkalyq boksshy jekpe-jekti jalǵastyra aldy.
