Mäjılıstıŋ jalpy otyrysyna deputat Maqsat Tolyqbai qazaqstandyqtardyŋ 8 myŋnan astam ötınışın äkeldı, - dep habarlaidy "Adyrna" tılşısı.
Mäjılısmen Premer-ministr Älihan Smaiylovqa deputattyq saual joldap, Almaty oblysyndaǧy saiajai tūrǧyndarynyŋ mäselelerın aitty.
«Men saiajailarda tūryp jatqan, biudjetten bır tiyn da kömek almaityn adamdardyŋ aianyşty jaǧdaiyn öz közımmen kördım. Rasynda, jaǧdai öte qiyn, halyqtyŋ şydamy tausylyp barady. Men özım halyqpen kezdestım. Ötınışter köp. Men özımmen bırge 8 myŋnan astam halyqtyŋ hatyn äkeldım. Mıne, osy ötınışterdıŋ barlyǧy», — dedı deputat bır qorap qūjatty körsetıp.
Ol oblysqa özı baryp, Qonaev, Qarasai, Eŋbekşıqazaq, Talǧar, Jambyl jäne Ile audandarynda 674 saiajai baryn bılgenın aitty. Ondaǧy tūrǧyndardyŋ sany 500 myŋǧa taiap qaldy. Sonymen qatar, jaqyn jerde qajettı infraqūrylym joq: mektep, balabaqşa, qoǧamdyq kölık, medisinalyq qyzmet körsetu, asfalt, poşta bölımşesı, bailanys toraptary, äleumettık qyzmetter men äleumettık nysandar joqtyŋ qasy.
«Jüzdegen myŋ qandastarymyz saiajai alqaptaryna «selo» märtebesın berudı sūrap jatyr. Öitkenı, qoldanystaǧy zaŋnamaǧa säikes, jergılıktı atqaruşy organdar biudjettık qarajatty tek qala men auyldyq eldı mekenderdı damytuǧa ǧana böle alady», - dedı Maqsat Tolyqbai.
Qonaevtaǧy saiajai tūrǧyndary elektr jelılerıne qatysty qiyndyqtardan zardap şegude
Deputat būl mäsele tek Almaty oblysynda ǧana emes, Qazaqstannyŋ basqa öŋırlerınde de bar ekenın aitty. Tolyqbaidyŋ pıkırınşe, ükımet mäselenı şeşu üşın tez arada arnaiy baǧdarlama äzırleuı kerek.
Ūqsas jaŋalyqtar
