Shyǵys Qazaqstan oblysyndaǵy Rıdder qalasynda jalǵyz qazaq mektebi jabyldy, dep habarlaıdy "Adyrna". Bul týraly "Almaty aqshamy" jazdy.
ShQO bilim basqarmasynyń basshysy Inessa Chernysheva, qalalyq bilim berý basqarmasy mektep ǵımaratynyń tozyǵy jetip, shatyrynyń kez kelgen ýaqytta opyrylyp qalýy múmkin ekenin eskerip, mektepti jaýyp tastaǵanyn aıtty. Al jańa qazaq mektebiniń ǵımaratyn salýǵa qala bıýdjetiniń somasy kótermeıdi. Sondyqtan «Shańyraqtyń» oqýshylary jańa ǵımarat salynǵansha №11 mektepte bilim alýǵa májbúr.
Shyǵys Qazaqstan oblysynyń bilim basqarmasy ǵımaratqa saraptama júrgizdi. Bıyl mektep oqýshylarynyń ata-analary dabyl qaǵyp, bilim oshaǵyn qaýipti dep jarııalaýdy talap etken edi. Jergilikti turǵyndar da ǵımarattyń tozyǵy jetkenin, shatyrdyń kez kelgen ýaqytta opyrylyp qalýy múmkin ekenin aıtty. Sodan keıin ata-analardyń ótinishi boıynsha bilim basqarmasy ǵımaratqa saraptama júrgizip, «mektep apatty jaǵdaıda emes» degen saraptamalyq qorytyndy shyǵardy. Degenmen ǵımarattyń irgetasy men jylý júıesine kúrdeli jóndeý qajet. Sondyqtan balalardy ýaqytsha kóshirý týraly sheshim qabyldandy. Qazir №11 mektepte bilim alyp jatyr, – dedi ShQO bilim basqarmasynyń basshysy Inessa Chernysheva.
«Komfort mektebi» baǵdarlamasy boıynsha qalada jańa mektep salynǵansha «Shańyraqtyń» oqýshylary №11 mektepte bilim alady. Jospar boıynsha ol 2024 jyly paıdalanýǵa berilýge tıis. Biraq jańa mekteptiń ǵımaratyn paıdalanýǵa berý odan kóp ýaqytty alýy múmkin.
Qazir qalada 60 myńǵa jýyq adam turady. Halyqtyń 80 paıyzy – orys halqynyń ókilderi. Sol sebepti halyqaralyq «Qazaq tili» qoǵamynyń hatshysy Quralaı Saldyqovanyń aıtýynsha, Rıdderdiń qazaqtary ózderin dıaspora sanaıdy.
Qalada 16 orys mektebi jáne 4 aralas mektep bar.
